20th November 2024 10:51:13 Hours
61 වන පාබල සේනාංකයේ සේනාංකාධිපති බ්‍රිගේඩියර් කේටිපි ද සිල්වා ආර්එස්පි එන්ඩියු පිඑස්සි සහ 'විරු කැකුළු' පෙර පාසල් භාර ආර්යා අජන්තා ද සිල්වා මහත්මිය සමඟින් ගාල්ලේ 'විරු කැකුළු' පෙර පාසලේ නිල සංචාරයක නිරත විය.
සම්ප්‍රදායික බුලත්අතක් සහ මල් කළඹක් පිරිනමමින් පෙර පාසල් දරු දැරියන් සහ පරිපාලන හා ආචාර්ය මණ්ඩලයේ සාමාජිකයින් විසින් බ්‍රිගේඩියර් කේටිපි ද සිල්වා සහ එම මැතිණිය මහත් හරසරින් පිළිගන්නා ලදී.
සේනාංකාධිපතිතුමන් සහ ගාල්ල 'විරු කැකුළු' පෙරපාසල් භාර ආර්යාව ඉන් අනතුරුව පන්තිකාමර වෙත ගොස් පෙරපාසල් ගුරුවරුන් සහ ළමුන් සමඟ අදහස් කිහිපයක් බෙදා ගත්හ. අනතුරුව, පෙර පාසලේ වත්මන් තත්ත්වය, එහි සංවර්ධන ව්‍යාපෘති, තවදුරටත් වැඩිදියුණු කිරීම් සහ ඉදිරි ප්‍රධාන සිදුවීම් පිළිබඳව 61 පාබල සේනාංකයේ සේනාංකාධිපති බ්‍රිගේඩියර් කේටිපි ද සිල්වා සහ එම මහත්මිය කාර්ය මණ්ඩලය සමඟ සාකච්ඡා කළහ.
