මේජර් ජෙනරල් ඒ.එච්.එල්.ජී. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී ජ්‍යෙෂ්ඨ නිලධාරිතුමන් තම පස්වන ජාත්‍යන්තර සම්මානය හිමිකරගනී

'ශ්‍රී ලංකා හොඳම සේවා යෝජක සන්නාම සම්මාන සහ ශ්‍රී ලංකා නායකත්ව සම්මාන 2024' උත්සවය කොළඹ ටාජ් සමුද්‍රා හි පැවති අතර, එහිදී ආරක්‍ෂක සේනා ආඥාපති - (බටහිර) සහ ශ්‍රී ලංකා ඉංජිනේරු බලකායේ බලකාධිපති මේජර් ජෙනරල් ඒ.එච්.එල්.ජී. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී ජ්‍යෙෂ්ඨ නිලධාරිතුමන් 'ජීවිත කාලීන ජයග්‍රහණ සම්මානය 2024' (Lifetime Achievement Award 2024) සම්මානයෙන් 2024 සැප්තැම්බර් 05 දින පිදුම් ලබීය.

මානව සම්පත් ක්ෂේත්‍රයේ ඔහුගේ කීර්තිමත් වෘත්තිය වෙනුවෙන් ලෝක මානව සම්පත් කොංග්‍රසය (World HRD Congress) සහ ආසියානු ප්‍රධාන අලවි නියෝජිතයන්ගේ (CMO Asia) සංවිධානය විසින් එතුමන්හට 'ජීවිත කාලීන ජයග්‍රහණ සම්මානය' පිරිනමන ලදී.

මෙම සම්මාන ප්‍රදානෝත්සවයේදී මේජර් ජෙනරල් ඒ.එච්.එල්.ජී. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී ජ්‍යෙෂ්ඨ නිලධාරිතුමන් මෙන්ම ලංකා බැංකුවේ ප්‍රධාන විධායක නිලධාරී ප්‍රවීණ බැංකු නිලධාරියෙකු වන රසල් ෆොන්සේකා මහතා වෙතද 'මානව හිමිකම් නැඹුරු ප්‍රධාන විධායක නිලධාරී (HR Oriented CEO) සම්මානය පිරිනමන ලදී.