වෝල්පේන් කෝමාරිකා වනාන්තරයේ හටගත් ගින්නක් යුද හමුදා භට පිරිස් විසින් නිවා දැමීය.

රත්නපුර ආපදා කළමනාකරණ මධ්‍යස්ථානයේ ඉල්ලීම පරිදි උඩවලව - ශ්‍රී ලංකා විදුලි හා යාන්ත්‍රික ඉංජිනේරු මූලික වැඩමුළුවේ 2 x 20 භට පිරිස් විසින් ඇඹිලිපිටිය ප්‍රාදේශීය ලේකම් කොට්ඨාශයේ වවුල්පනේ කෝමාරිකා රක්ෂිතයේ හටගත් ගින්නක් සාර්ථකව මැඩපවත්වා ඇත.

611 පාබල බලසේනාවේ බලසේනාධිපතිවරයාගේ උපදෙස් පරිදි උඩවලව - ශ්‍රී ලංකා විදුලි හා යාන්ත්‍රික ඉංජිනේරු මූලික වැඩමුළුවේ අධීක්ෂණය යටතේ මෙම මෙහෙයුම සිදු කරන ලදී. එය 2024 මාර්තු 12 වන දින ආසන්න වශයෙන් 1700 පැය ට ආරම්භ වූ අතර හමුදා භට පිරිස් විසින් එදිනම 1920 පැය වන විට එය සාර්ථකව නිවා දැමීය.