09th June 2023 17:10:00 Hours
611 වන බලසේනාවේ පාබල බලසේනාවේ බලසේනාධිපති විසින් 2023 පොසොන් උත්සවය නිමිත්තෙන් 611 වන පාබල බලසේනා මූලස්ථානය සහ 8 වන ශ්‍රී ලංකා සිංහ රෙජිමේන්තු භට පිරිස් විසින් නිලධාරීන් සහ සෙසු නිලයින් මෙන්ම ඔවුන්ගේ සමීපතම පවුලේ සාමාජිකයින් සඳහා ආ චා ර් ය ජිනංජලා ශානිකා විජේගුණසේකර විසින් මෙහෙයවන ලද එක්දින මනෝ වෛද්‍ය සත්කාර දැනුවත් කිරීමේ ව්‍යාපෘතියක් 2023 ජූනි 4 වන දින පවත්වන ලදී.
තවද, මෙම ව්‍යාපෘතියේ අරමුණ වුයේ රෝගාබාධ කිහිපයක් හේතුවෙන් ඇති වූ මානසික ආබාධ සඳහා අවශ්‍ය මාර් ගෝපදේශ ලබා දීමය.
මෙම ව්‍යාපෘතිය මගින් ආතතිය සහ කාංසාව, විෂාදය, ඇතුළු මානසික ආබාධ රාශියක් ආවරණය කරන ලදී. එමෙන්ම නිලධාරීන්ගේ සහ සෙසු නිලයින්ගේ සමීපතම පවුලේ සාමාජිකයින්ට විවිධ මානසික ආබාධ සම්බන්ධයෙන් මග පෙන්වීම සිදුකරන ලදී.
තවද, මෙම දැනුවත් කිරීමේ ව්‍යාපෘතිය අතිසාර් ථක වූ අතර, ව්‍යාපෘතියට සහභාගී වූ නිලධාරීන්, සෙසු නිලයින් සහ ඔවුන්ගේ පවුල්වල සාමාජිකයින් මුලපිරීම සඳහා සිය කෘතඥතාව පළ කළහ. මෙම ව්‍යාපෘතිය මගින් ඔවුන්ගේ මානසික ව්‍යාකූලතා වඩාත් හොඳින් අවබෝධ කර ගැනීමට සහ ඔවුන්ගේ තත්වයන් ඵලදායී ලෙස කළමනාකරණය කර ගැනීමට මාර් ගෝපදේශ ලබා දීමට ඔවුන්ට හැකි විය.
වෛද්‍ය සායනයට අමතරව, ආ චා ර් ය ජිනංජලා ශානිකා විජේගුණසේකර වෛද්‍ය වරිය විසින් 2023 ජූනි 05 වන දින, බෞද්ධ ඉගැන්වීම් පිළිබඳ දැනුවත් කිරීමේ දේශනයක් ද පවත්වන ලදී. මෙම දේශනය සඳහා ජ්‍යෙෂ්ඨ නිලධාරීන් සහ නිලධාරීන් ඇතුළු 150ක පමණ යුද හමුදා සාමාජිකයින් පිරිසක් සහභාගි වූහ.
මෙම දේශනය පැමිණ සිටි පිරිසට බෞද්ධ ඉගැන්වීම් පිළිබඳ වැඩිදුර ඉගෙන ගැනීමට අවස්ථාවක් විය. බුදුදහමේ මූලික සිද්ධාන්ත සහ නූතන ජීවිතයට ඒවායේ අදාළත්වය පිළිබඳ ගැඹුරු විශ්ලේෂණයක් ලබා දුන්නේය.
තවද, ආරක්ෂක සේනා (බටහිර) ආඥාපති සහ 61 පාබල සේනාංකයේ සේනාංකාධිපතිගේ උපදෙස් මත මෙම ව්‍යාපෘතිය සහ දේශනය දියත් කරන ලදී.
