බෙල්ලන්විල රජමහා විහාරයට 142 පාබල බලසේනාවේ දායකත්වය

142 වන පාබල බලසේනාවේ බලසේනාධිපති තුමාගේ උපදෙස් පරිදි සහ සිවිල් සම්බන්ධිකරණ නිලධාරිගේ අධීක්‍ෂණය යටතේ 74 වන ඇසළ මහා පෙරහැර මංගල්‍යයට පෙරාතුව බෙල්ලන්විල රජමහා විහාරස්ථානයේ නඩත්තු කටයුතු 2024 ජූලි 24 වන දින ආරම්භ කල අතර 2024 අගෝස්තු 6 දක්වා නඩත්තු කටයුතු සිදුකරන ලදි.

තවද, බොහෝ බැතිමතුන් සහ නරඹන්නන් ආකර්ෂණය කර ගන්නා වැදගත් ආගමික උත්සවයක් සඳහා විහාරස්ථානය ප්‍රශස්ත තත්ත්වයේ පවතින බව සහතික කිරීම මෙම මුලපිරීමේ අරමුණ වන අතර, නඩත්තු කටයුතු පන්සල් භූමිය පිරිසිදු කිරීම, අලුත්වැඩියා කිරීම සහ වැඩිදියුණු කිරීම් 142 පාබල බලසේනාවේ රාජකාරි නියතු සෙනින් අතින් සිදුකරන ලදි.