22nd August 2023 18:56:06 Hours
ආරක්ෂක සේනා මූලස්ථානය - බටහිර යටතේ ස්ථාපිත 61 පාබල සේනාංකයේ නව සේනාංකාධිපති ලෙස මේජර් ජෙනරල් ආර්.ඒ.ජේ.එන්. රණසිංහ ආර්එස්පී යූඑස්පී එන්ඩීසී 2023.08.18 දින ගාල්ල, බූස්ස ප්රදේශයේ පිහිටි එම සේනාංක මූලස්ථානයේදී ආගමික වතාවත් මධ්යයේ සිය ධුරයේ රාජකාරි කටයුතු භාරගත්තේය.
සේනාංක මූලස්ථානය වෙත සපැමිණි මේජර් ජෙනරල් ආර්.ඒ.ජේ.එන්. රණසිංහ ආර්එස්පී යූඑස්පී එන්ඩීසී වෙත 2(ස්වේච්ඡා) ගැමුණු හේවා බලකායේ භටපිරිස් විසින් හමුදා සම්ප්රදායානුකූල කඳවුරු මුරයේ ගෞරවාචාරය පුදකිරීමෙන් අනතුරුව එම සේනාංකයේ මාණ්ඩලික නිලධාරින් විසින් එතුමන් උණුසුම් අයුරින් පිළිගනු ලැබීය. නව සේනාංකාධිපතිතුමන් මහා සංඝ රත්නයේ සෙත් පිරිත් සජ්ඣායනා මධ්යයේ සංකේතාත්මක නිල ලේඛනයකට අත්සන් තබමින් ධූරයේ රාජකාරි කටයුතු භාරගන්නා ලදී.
මේජර් ජෙනරල් ආර්.ඒ.ජේ.එන්. රණසිංහ ආර්එස්පී යූඑස්පී එන්ඩීසී විසින් එම අවස්ථාව සනිටුහන් කරමින් කඳවුරු පරිශ්රයේ පැළයක් රෝපණය කරන ලදී. අනතුරුව එතුමන් තම ඉදිරි දැක්ම ප්රකාශ කරමින් හමුදා සම්ප්රදායානුකූලව නිලධාරින් සහ සෙසුනිලයන් ආමන්ත්රණය කරනු ලැබීය. උත්සව අවස්ථාව සඳහා 61 පාබල සේනාංකය යටතේ ස්ථාපිත බලසේනාවන්හි බලසේනාධිපතිවරුන්, මාණ්ඩලික නිලධාරීන්, ඒකක අණදෙන නිලධාරීන්, නිලධාරීන් සහ සෙසු නිලයින් සහභාගී වූහ.