12th March 2025 12:40:02 Hours
572 පාබල බලසේනාවේ 13 වන බලසේනාධිපති ලෙස කර්නල් ඩබිලිව් ජී අයි එස් ගමගේ යුඑස්පී යන ජ්‍යෙෂ්ඨ නිලධාරි 2025 පෙබරවාරි 10 වන දින බලංගොඩ බලසේනා මූලස්ථානයේදී රාජකාරි ආරම්භ කරන ලදී.
කදවුරු මුරයේ ගෞරවාචාරය සමගින් උත්සවය ආරම්භ වු අතර, ආගමික ආශිර්වාද මධ්‍යයේ නිල ලේඛනයකට අත්සන් කිරීමෙන් පසු එතුමන් විසින් කාර්යාලයේ වැඩ භාර ගන්නා ලදී.
නව බලසේනාධිපති විසින් බලසේනා මූලස්ථාන පරිශ්‍රයේ පැළයක් රෝපණය කළ අතර, බලසේනාධිපති තුමන් විසින් භට පිරිස් අමතමින් යුද හමුදාවේ මූලික වටිනාකම් සහ බලසේනාවේ අනාගත සැලසුම් පිළිබඳ තම දැක්ම සහ අභිප්‍රාය අවධාරණය කළේය.
ඉන් අනතුරුව බලසේනාධිපතිවරයා සියලු නිලයන් අතර සුහදතාවය සහ එකමුතුකම වර්ධනය කරමින් සියලුම නිලයන් සඳහා තේ පැන් සංග්‍රහයකින් උත්සවය අවසන් වූ අතර, මෙම වැඩසටහන සඳහා බලසේනා බලඇණිවල අණදෙන නිලධාරීන් සහ සෙසු නිලයින් රැසක් සහභාගී වූහ.
