571 පාබල බලසේනාවේ බළසේනාධිපති සහ 9 වන බලඇණිය , ශ්‍රී ලංකා ජාතික ආරක්‍ෂක බලමුළුවේ අණදෙන නිලධාරී කළුගහතැන්න අවතැන් වූ පුද්ගලයින් රැදි සිටින අවතැන් කඳවුරු සහ නායයෑමෙන් විපතට පත් ප්‍රදේශයේ නිරීක්ෂණ චාරිකාවක නිරත විය.

57 වන පාබල සේනාංකයේ සේනාංකාධිපති මේජර් ජෙනරාල් ඩබ්ලිව් එම් පී එම් විජේසූරිය ආර්ඩබ්ලිව්පි ආර්එස්පි අන්ඩියු ගේ මඟපෙන්වීම යටතේ, 571 පාබල බලසේනාවේ බළසේනාධිපති කර්නල් එච් එච් එස් පී එස් ද සිල්වා ආර්එස්පී යූඑස්පී, සහ 9 වන බලඇණිය, ශ්‍රී ලංකා ජාතික ආරක්ෂක බළමුළුවේ අණදෙන මේජර් ටී එස් පී කුමාර ආර්එස්පී ශ්‍රිලංජාආබමු, විසින් කළුගහතැන්න විද්‍යාලයේ ස්ථාපිත අවතැන් කඳවුර සහ රිදීගම ප්‍රාදේශීය ලේකම් කොට්ඨාසයේ, කළුගහතැන්න ග්‍රාම නිලධාරී වසමේ නායයෑමෙන් විපතට පත් ප්‍රදේශයන්හි 2024 නොවැම්බර් 30 වැනි දින සංචාරයක නිරත විය.

මෙම අවස්ථාවට රිදීගම ප්‍රාදේශීය ලේකම් කුෂාන් වික්‍රමසූරිය මහතා, කුරුණෑගල ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ, විරාජ් දිසානායක මහතා, දෙල්විට පොලිස් ස්ථානය භාර නිලධාරී මහතා, ප්‍රදේශයේ ග්‍රාම නිලධාරී මහතා ඇතුළු රාජ්‍ය නොවන සංවිධාන නියෝජිතයෝ සහභාගි වූහ. සංචාරය අතරතුර, විපතට පත් පුද්ගලයින් මුහුණ දෙන ගැටළු සහ ඔවුන්ගේ අවශ්‍යතා සපුරාලීමට අවශ්‍ය ක්‍රියාමාර්ග පිළිබඳව සාකච්ඡා කිරීම සඳහා ප්‍රජා රැස්වීමක් අවතැන් කදවුර තුල පැවැත්විණි. ආපදා බලපෑම් අවම කිරීම සඳහා ඉදිරි ක්‍රියාමාර්ග සහ ක්‍රියාමාර්ග පිළිබඳව ද මෙම සංචාරයේදී සාකච්ඡා කෙරිණි