09th September 2024 11:26:02 Hours
57 (15) පාබල සේනාංකයේ සේනාංකාධිපති මේජර් ජෙනරාල් ඩබ්ලිව් එම් පී එම් විජේසූරිය ආර්ඩබ්ලිව්පී ආර්එස්පී එන්ඩියු යන ජ්‍යෙෂ්ඨ නිළධාරි විසින් 2024 අගෝස්තු මස 20 වන දින පුත්තලමේ පිහිටි 143 (153) පාබල බළසේනා මුලස්ථානයේ සංචාරයක නිරත විය.
143 (153) වන පාබල බළසේනාවේ බළසේනාධිපතිතුමන් විසින් බළසේනා මුලස්ථානය වෙත පැමිණි සේනාංකාධිපතිතුමන් සහ ජ්‍යෙෂ්ඨ නිළධාරිතුමන් උණුසුම් අයුරින් පිළිගනු ලැබිය.
ඉන් අනතුරුව 143 (153) පාබළ බළසේනාව ස්ථානගතවීම සහ මෙහෙයුම් සුදානම පිළිබඳව 143 (153) වන පාබල බළසේනාවේ බළසේනාධිපති විසින් පවත්වන ලද සවිස්තරාත්මක දැනුවත් කිරිමකින් අනතුරුව බළසේනාවේ සහ බළඇණි වල ආරකෂක සහ පරිපාලන ගැටළු පිළිබඳ සාකච්ඡාවක් පවත්වන ලදී.
මෙම සංචාරය සිහිවිම පිණිස සේනාංකාධිපතිතුමන් විසින් කඳවුරු භූමියේ අඹ පැළයක් රෝපනය කරන ලදී.
තවද, සේනාංකාධිපතිතුමන් විසින් 16 ගරෙ ඒකකයට අයත් එළුවන්කුලමේ පිහිටි බී කණ්ඩායමේ නිරීක්ෂණ සංචාරයක් සිදුකරන ලද අතර, 57 (15) සේනාංකයේ ජ්‍යෙෂ්ඨ මාණ්ඩලික නිළධාරීන් සහ 143 (153) පාබල බළසේනා මුලස්ථානයේ නිළධාරින් මේ සඳහා සහභාගී වුහ.
