1 වන ජාතික ආරක්‍ෂක බලමුළුව විසින් ගංවතුරෙන් විපතට පත් පවුල් සඳහා සහන ආධාර ලබාදීම

2024 නොවැම්බර් 27 රස්නායකපුර නම්බුවාව ප්‍රදේශයේ දැඩි ගංවතුරෙන් විපතට පත් පවුල්වලට උපකාර කිරීම සඳහා 57 වන පාබල සේනාංකයේ සේනාංකාධිපති මේජර් ජෙනරාල් ඩබ්ලිව් එම් පී එම් විජේසූරිය ආර්ඩබ්ලිව්පී ආර්එස්පී එන්ඩීයු යන ජ්‍යෙෂ්ඨ නිලධාරිගේ මගපෙන්වීම යටතේ හා කර්නල් එච් එච් එස් පී එස් ද සිල්වා ආර්එස්පී යූඑස්පී යන ජ්‍යෙෂ්ඨ නිලධාරිගේ අධීක්‍ෂණය යටතේ, 571 වන පාබල බලසේනාවේ බලසේනාධිපති විසින් ශ්‍රී ලංකා ජාතික ආරක්ෂක බලමුළුවේ භටපිරිස් 02 X 24ක ප්‍රමාණයක් යොදවා ඇත.

තවද ජලයෙන් යටවූ නම්බුවැව ගම්මානයේ හුදකලා නිවාස වෙත රජයේ බලධාරීන් විසින් සකස් කරන ලද වියළි ආහාර ප්‍රවාහනය සඳහා බෝට්ටු ලබාදෙමින් භටපිරිස් විසින් රජයේ නිලධාරීන්ගේ සහභාගිත්වයෙන් ඔවුන්ගේ සහයෝගය ලබා දෙන ලදී. යුද්ධ හමුදාවේ මෙවැනි මානුෂිය මැදිහත්වීම මගින් ආපදා තත්වයන්හිදී මහජනතාවට උපකාර කිරීමට හමුදාවේ කැපවීම ඉස්මතු කළේය.