යුද්ධ හමුදාවේ මූලිකත්වයෙන් වැඩසිටිකන්ද පුජා භුමිය පිරිසිදු කිරීමේ වැඩසටහනක් පැවැත්විම

සංස්කෘතික උරුමයන් ප්‍රජාව වෙත රැකගැනීම සදහා ‘ක්ලීන් ශ්‍රී ලංකා’ වැඩසටහනට සමඟාමීව ශ්‍රී ලංකා යුද්ධ හමුදාව විසින් ඓතිහාසික වැඩසිටිකන්ද පුජා භුමිය පිරිසිදු කිරීමේ වැඩසටහනක් 2025 අගෝස්තු මස 07 වන දින යුද්ධ හමුදාධිපති තුමන්ගේ සංකල්පයකට අනුව හා ආරක්‍ෂක සේනා (මධ්‍යම) ආඥාපති තුමන්ගේ පුර්ණ මඟ පෙන්වීම මත 12 වන පාබල සේනාංකයේ සේනාංකාධිපති තුමන් සහ 122 පාබල බසේමු බලසේනාධිපති තුමන්ගේ පූර්ණ අධික්‍ෂණයෙන් පැවැත්විය

122 පාබල බලසේනා මුලස්ථානය යටතේ පාලනය වන 12 වන ගජබා රෙජිමේන්තුව සහ 3 වන ශ්‍රී ලංකා ජාතික ආරක්‍ෂක බලමුළුවේ නිලධාරි සහ සෙසුනිලයින් මෙම සත්ක්‍රීයාව සඳහා සිය දායකත්වය ලබාදුන් අතර, පිරිසිදු කිරිමේ වැඩසටහන අතරතුරදි ශ්‍රී ලංකා යුද්ධ හමුදා සෙබළුන් විසින් වැඩසිටි කන්ද පුජා භුමියේ එක්රැස්ව තිබු පොලිතින් කිලෝග්‍රෑම් 288 ක්, ප්ලාස්ටික් කිලෝග්‍රෑම් 391 ක්, විදුරු කිලෝග්‍රෑම් 30 ක්, යකඩ කිලෝග්‍රෑම් 39 ක් සහ වෙනත් කැලි කසල කිලෝග්‍රෑම් 24.5 ක් ඉවත් කරන ලදි. මෙම වැඩසටහන මගින් පුජා භුමියේ පිරිසිදුතාවය ආරක්ෂා කිරීමට දායක වූවා පමණක් නොව, ජාතික උරුමයන් සහ ප්‍රජා සුභසාධනය සඳහා යුද හමුදාවේ අඛණ්ඩ කැපවීම ද ඉස්මතු කරන ලදි.