14th August 2024 08:00:00 Hours
75 වන යුද්ධ හමුදා සංවත්සරයට සමගාමීව 12 වන පාබල සේනාංකාධිපති මේජර් ජෙනරාල් ජේඑස්බීඩබ්ලිව් පල්ලෙකුඹුර RWP RSP ndc psc ගේ උපදෙස් සහ මගපෙන්වීම මත 12 වන පාබල සේනාංකය විසින් හම්බන්තොට සහ මොණරාගල දිස්ත්‍රික්කවල සිසුන් ඉලක්ක කර ගනිමින් 5 ශ්‍රේණියේ ශිෂ්‍යත්ව ආදර්ශ ප්‍රශ්න පත්‍ර බෙදා හරින ලදි. 2024 අගෝස්තු 14 සහ 15 යන දිනයන්හිදී දිස්ත්‍රික්ක දෙකෙහිම ආදර්ශ පත්‍රිකා 3500 ක් සිසුන් සඳහා බෙදා දෙනු ලැබූ අතර, මෙම වැඩසටහනට රාජකීය විද්‍යාලය කොළඹ ආදි ශිෂ්‍ය සංගමයේ ප්‍රසාද් ලොකුබාලසූරිය මහතා සහ බෝජය කසුන් මහතා විසින් අනුග්‍රහය දක්වන ලදී.
මෙම වැඩසටහන සඳහා 121 හා 122 වන පාබසේමූ බලසේනාධිපතිවරුන්, ධානපති ප්‍රසාද් ලොකුබාලසූරිය මහතා, බෝජය කසුන් මහතා, ජ්‍යෙෂ්ඨ නිලධාරීන්, ප්‍රාදේශීය අධ්‍යාපන අධීක්ෂකවරුන්, ගුරුවරුන් සහ ළමුන් සහභාගී වූහ.
