හම්බන්තොට මෙත්සෙවන විහාරස්ථානය වටා ඇති තාප්පය කපරාරු කර තීන්ත ආලේප කිරීම

12 පාබල සේනාංක මූලස්ථාන බලප්‍රදේශයේ පිහිටි මයුර මෙත් සෙවණ විහාරස්ථානයේ විහාරාධිපති විසින් කරන ලද ඉල්ලීමකට අනුව විහාරස්ථාන පරිශ්‍රය වටා ඉදිකරන ලද තාප්පය කපරාරු කර තීන්ත ආලේප කිරීම 12 වන පාබල සේනාංකයේ සේනාංකාධපති ගේ උපදෙස් පරිදි එම සේනාංකයේ භඨ පිරිස් විසින් සිදු කරන ලදි.

දානපතියන් විසින් මේ සඳහා අවශ්‍ය ඉදිකිරීම් ද්‍රව්‍ය ලබා දෙන ලද අතර, 12 වන පාබල සේනාංකයේ භඨ පිරිස් හි ශ්‍රම දායකත්වයෙන් නිමකරන ලද මෙම සමාජ සත්කාර ව්‍යාපෘතිය 2024 සැප්තැම්බර් 06 වන දින ශ්‍රී ලංකා යුද්ධ හමුදා 75 වන සංවත්සරයට සමගාමීව විහාරස්ථානය වෙත භාර දෙන ලදී.

මයුර මෙත් සෙවණ විහාරස්ථානයේ විහාරාධිපති හා හම්බන්තොට දිස්ත්‍රික් ලේකම්තුමා විසින් මෙම ව්‍යාපෘතිය සඳහා සහය ලබා දීම සම්බන්ධයෙන් යුද්ධ හමුදා භඨපිරිස් වෙත විශේෂ ස්තුතිය පුද කරන ලදී.