10th August 2024 08:38:49 Hours
ආරක්ෂක සේනා (මධ්‍යම) ආඥාපති මේජර් ජෙනරාල් බි කේ ජි එම් එල් රොද්‍රිගෝ ආර්එස්පී පීඑස්සී අයිජි යන ජ්‍යෙෂ්ඨ නිලධාරි 2024.08.06 සහ 07 වන දින 12 වන පාබල සේනාංක මුලස්ථානය හා ඒ යටතේ ඇති පාබල බසේමු සංචාරයක නිරත වන ලදී.
12 වන ගජබා රෙජිමේන්තුවේ භඨපිරිස් සහභාගිත්වයෙන් කඳවුරු පසුකරයාමේ මුරයක් පිරිනැමීමෙන් අනතුරුව ආරක්ෂක සේනා (මධ්‍යම) ආඥාපති 12 වන පාබල සේනාංකයේ සේනාංකාධිපති මේජර් ජෙනරාල් පී කේ ඩබ්ලිව් ඩබ්ලිව් එම් ජේ එස් බී ඩබ්ලිව් පල්ලේකුඹුර ආර්ඩබ්ලිව්පී ආර්එස්පී එන්ඩීයු පීඑස්සී යන ජ්‍යෙෂ්ඨ නිලධාරි විසින් උණුසුම් අයුරින් පිළිගැනීමෙන් පසු සමුහ ඡායාරූපයක් සඳහා පෙනිසිට එම සංචාරය සනිටුවන් කිරීම වෙනුවෙන් සේනාංක භූමියේ අඹ පැළයක් රෝපණය කලේය. ඉන් අනතුරුව 12 වන පාබල සේනාංකයේ සහ ඒ යටතේ පාලනය වන 122 පාබල බසේමු, ඒකකයන්හී නිලධාරි/සෙසුනිලයින් ඇමතීමට කටයුතු කිරිමෙන් අනතුරුව 12 වන පාබල සේනාංකයේ සේනාංකාධිපති විසින් ආඥාපති හට සමරු තිළිණයක් ද පිළිගන්වන ලදී. තවද සියලු නිළයින් සමග තේ පැන් සංග්‍රහයක් සඳහා සහභාගි වී සුහද පිළිසඳරක නිරතවීමට කටයුතු කරන ලදී.
මෙම සංචාරයේදි කතරගම වැඩසිටි කන්ද විහාරස්ථාන ස්වාමින් වහන්සේ බැහැදැක අශිර්වාද ලබාගැනීමෙන් අනතුරුව 122 වන පාබල බසේමු සංචාරයේදි 12 වන ගජබා රෙජිමේන්තුවේ භඨ පිරිස් සහභාගීත්වයෙන් ආඥාපති හට කඳවුරු පසුකර යාමේ මුරයක් පිරිනැමිමෙන් අනතුරුව 122 වන පාබල බසේමු බළසේනාධිපති විසින් ආඥාපති උණුසුම් අයුරින් පිළිගැනීමෙන් පසු එම කඳවුරු භූමියේ පැලයක් රෝපණය කිරිමට කටයුතු කරන ලදි.
