17th July 2024 21:42:59 Hours
ගජබා රෙජිමේන්තුවේ මේජර් ජෙනරාල් පිකේඩබ්ලිව්ඩබ්ලිව්එම්ජේඑස්බිඩබ්ලිව් පල්ලේකුඹුර ආර්ඩබ්ලිව්පි ආර්එස්පි එන්ඩියු පිඑස්සි යන ජ්‍යෙෂ්ඨ නිලධාරි 12 වන පාබල සේනාංකයේ නව සේනාකාධිපති වශයෙන් 2024 ජුලි මස 16 වන දින පාබල සේනාංක මුලස්ථානය හම්බන්තොට හිදි ආගමික වතාවත් වලට මුල්තැන දෙමින් හමුදා විධිවිධාන අනුව නව ධුරයේ රාජකාරි භාරගන්නා ලදි.
නව සේනාංකාධිපති සේනාංක මුලස්ථානය වෙත පැමිනීමෙන් පසු ප්‍රධාන දොරටුව අසලදී කඳවුරු සම්මාන මුරයක් පිරිනැමිමෙන් අනතුරුව දවසේ කටයුතු ආරම්භ විය. ඒ අනුව 12 වන පාබල ගජබා රෙජිමේන්තුව විසින් සම්මාන මුරයක් පිරිනමන ලදි.
අනතුරුව මහා සංඝරත්නයේ සෙත් පිරිත් සජ්ඣායානා මධ්‍යයේ අභිනවයෙන් පත්වු සේනාංකාධිපති සිය රාජකාරි භාර ගැනීම සනිටුහන් කරමින් නිල ලේඛණයට අත්සන් තැබීය. ඉන් පසු 12 වන සේනාංක පරිශ්‍රයේ පැළයක් රෝපණය කර මෙම අවස්ථාව සනිටුහන් කරන ලද අතර, සමුහ ඡායාරූපයක් සඳහා පෙනිසිට සේනාංකාධිපති කඳවුරේ සියළු භඨ පිරිස් ආමන්ත්‍රණය කර පසුව සියළු නිළයින් සහභාගීත්වයෙන් තේ පැන් සංග්‍රහයක් පැවැත්වු අතර, ඒ සඳහා මෙම සේනාංකයේ ජ්‍යෙෂ්ඨ නිලධාරින්/ නිලධාරින් සහ සෙසු නිළයින් සහභාගි වන ලදි.
