"සරණ අන්ධ වැඩිහිටි නිවස" සදහා යුධ හමුදාවගේ සහය ලබා දීම

ශ්‍රී ලංකා යුද්ධ හමුදාවේ 75 වන සංවත්සරයට සමගාමීව, 12 වන පාබල සේනාංකයේ සේනාංකාධිපති මේජර් ජෙනරාල් පී කේ ඩබ්ලිව් ඩබ්ලිව් එම් ජේ එස් බී ඩබ්ලිව් පල්ලෙකුඹුර RWP RSP ndu psc ගේ මගපෙන්වීම යටතේ, 12 වන පාබල සේනාංකයේ භඨ පිරිස් විසින් අම්බලන්තොට දෙහිගහලන්ද "සරණ අන්ධ වැඩිහිටි" නිවාසයේ ගොඩනැගිලි හතරක් ඇතුළත් ගොඩනැගිලි සංකීර්ණයෙහි තින්ත ආලේප කරන ලදි.

වැඩිහිටි නිවාසයේ පරිත්‍යාගශීලීන් විසින් අවශ්‍ය තීන්ත සහ අනෙකුත් අවශ්‍යතා සපයන ලද අතර, මෙම ව්‍යාපෘතිය සඳහා යුධ හමුදා භට පිරිස් ඔවුන්ගේ ශ්‍රමදායකත්වය ලබා දුන්හ.මෙම කාර්යය නිම කිරීම සනිටුහන් කරමින් 12 වන පාබල සේනාංකයේ නිලධාරීන් සහ සෙසු නිලයින් විසින් වැඩිහිටි නිවාසයේ රැඳවියන් සහ කාර්ය මණ්ඩලය වෙත රසවත් දිවා ආහාර වේලක් සහ ත්‍යාග ලබා දෙන ලදී.