රනුගල්ල ශ්‍රි සිද්ධාර්ථ දහම් පාසලෙ’ හි ඉගෙනුම ලබන ළමුන් සඳහා පොත් සහ උපකරණ ලබාදීම

12 වන පාබල සේනාංක බලප්‍රදේශයේ මොණරාගල දිස්ත්‍රික්කයට අයත් බඩල්කුඹුර ප්‍රාදේශීය ලේකම් කොට්ඨාශයේ පිහිටි ‘රනුගල්ල ශ්‍රි සිද්ධාර්ථ දහම් පාසලෙ’ හි ඉගෙනුම ලබන සිසුන් 108 දෙනෙකු හට අවශ්‍ය පොත් හා උපකරණ ලබාදීම 2024.10.20 වන දින සිදුකරන්නට යෙදුනි. ඒ සඳහා වූ මුල්‍ය දායකත්වය ‘HOPE FOR LIFE OF LANKA’ ආයතනය විසින් සපයා දෙන ලදි.

මෙම සත්ක්‍රියාව 12 වන පාබල සේනාංකයේ සේනාංකාධිපති ගේ මඟ පෙන්වීම යටතේ සිදු කරන ලද අතර, 121 පාබල බලසේනාවේ බලසේනාධිපති, 20 ශ්‍රීලංසිරෙ අණදෙන නිලධාරි ඇතුළු සෙසු නිළයින්, විහාරයේ විහාරාධිපති ඇතුළු ආචාර්ය්‍ය මණ්ඩලය, දහම් පාසල් සිසු දරු දැරියන් සහ ඔවුන් ගේ දෙමව්පියන් ද සහභාගී වන ලදි. උත්සවය අවසානයේ පැමිණ සිටි සියලුම දෙනා වෙනුවෙන් දිවා ආහාර වේලක් ලබා දීමට ද කටයුතු සිදු කරන ලදි.