ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාව ජාත්‍යන්තර කාන්තා දිනය නිමිත්තෙන් විශේෂ වැඩසටහනක්

ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ සභාපතිනී නිර්මලී විජේකෝන් මහත්මියගේ මඟපෙන්වීම යටතේ, ජාත්‍යන්තර කාන්තා දිනයට සමගාමීව සංවිධානය කරන ලද විශේෂ වැඩසටහනක් 2026 මාර්තු මස 07 දින එම රෙජිමේන්තු මධ්‍යස්ථානයේදී පවත්වන ලදී.

මෙම වැඩසටහන අතරතුරදී, සෑම දිනකම සෞඛ්‍යය හා යහපැවැත්ම වැඩිදියුණු කිරීම සඳහා සුවතා උපකරණ භාවිතා කිරීම පිළිබඳව වෛද්‍ය චන්ද්‍රිකා රාජපක්ෂ මහත්මිය විසින් හරවත් දේශනයක් පවත්වන ලදී. ඉන් අනතුරුව, Herbline (Pvt) Ltd ආයතනය මගින් ස්වයං රැකියා අවස්ථාවන් ඉලක්ක කරගනිමින් රූපලාවන්‍ය ප්‍රතිකාර පිළිබඳ හැඳින්වීමක් සහ ප්‍රායෝගික මුහුණු සත්කාර පුහුණු සැසියක් ද පවත්වන ලදී.

තවද, ගල්පාත සුඛිත ළමා නිවාසයට පරිත්‍යාග සිදු කරන ලදී. මෙම වැඩසටහන සඳහා හමුදා යුධෝපකරණ බලකා සාමාජිකයන්, නිලධාරීන් සහ සෙසු නිලයන් සහභාගී විය.