26th February 2026 09:12:08 Hours
3 වන ශ්රී ලංකා යුද්ධ හමුදා වෛද්ය බලකායේ 27 වන සංවත්සරය සනිටුහන් කරමින්, ශ්රී ලංකා යුද්ධ හමුදා වෛද්ය බලකා සේවා වනිතා ශාඛාව විසින් 2026 පෙබරවාරි මස 20 දින අනුරාධපුර 3 වන ශ්රී ලංකා යුද්ධ හමුදා වෛද්ය බලකා මූලස්ථානයේදී රුධිරය පරිත්යාග කිරීමේ වැඩසටහනක් සංවිධානය කරන ලදී.
මෙම වැඩසටහන ශ්රී ලංකා යුද්ධ හමුදා වෛද්ය බලකා සේවා වනිතා ශාඛාවේ සභාපතිනී ඉරන්ති දිල්රුක්ෂි පෙරේරා මහත්මියගේ මඟපෙන්වීම යටතේ පවත්වන ලදී. අනුරාධපුර ශික්ෂණ රෝහල සමඟ ඒකාබද්ධව මෙම වැඩසටහන මෙහෙයවනු ලැබූ අතර, රුධිර පරිත්යාගශීලීන් 93 දෙනෙකු මෙම රුධිර පරිත්යාග වැඩසටහන සඳහා සහභාගී වූහ.
මෙම අවස්ථාවට අනුරාධපුර යුද්ධ හමුදා රෝහලේ අණදෙන නිලධාරි, 3 වන ශ්රී ලංකා යුද්ධ හමුදා වෛද්ය බලකා කඳවුරේ අණදෙන නිලධාරි සහ ශ්රී ලංකා යුද්ධ හමුදා වෛද්ය බලකා සේවා වනිතා ශාඛාව නියෝජනය කරමින් ජ්යෙෂ්ඨ නිලධාරීන් කිහිප දෙනෙකු සහභාගී වූහ.
