ශ්‍රී ලංකා විදුලි හා යාන්ත්‍රික ඉංජිනේරු සේවා වනිතා ඒකකය මූලිකත්වයෙන් පොතුවිල ප්‍රදේශයේ ගංවතුර සහන වැඩසටහනක්

අයහපත් කාලගුණික තත්ත්වයෙන් පීඩාවට පත් සිවිල් වැසියන්ට උපකාර කිරීම සඳහා ශ්‍රී ලංකා විදුලි හා යාන්ත්‍රික ඉංජිනේරු සේවා වනිතා ශාඛාව 2025 දෙසැම්බර් මස 19 දින පොතුවිල ප්‍රදේශයේ ගංවතුර සහන සහන වැඩසටහනක් පවත්වන ලදී.

ප්‍රදේශයේ පරිත්‍යාගශීලීන්ගේ දායකත්වයෙන්, ආපදාවට පත් පවුල් වෙත මූල්‍ය ආධාර සහ අත්‍යවශ්‍ය සහන ද්‍රව්‍ය පරිත්‍යාග කරන ලදී. මෙහිදී බෙදා හරින ලද ද්‍රව්‍ය අතර ඇඳුම් පැළඳුම්, පානීය ජල බෝතල් සහ පාසල් උපකරණ ද වූ අතර, මෙම පරිත්‍යාගයන්හි මුළු වටිනාකම රුපියල් 700,000.00 කට අධික වේ

ශ්‍රී ලංකා විදුලි හා යාන්ත්‍රික ඉංජිනේරු රෙජිමේන්තු සේවා වනිතා ඒකකයේ සභාපතිනී ශ්‍යාමා හෙට්ටිගේ මහත්මියගේ මඟපෙන්වීම යටතේ මෙම වැඩසටහන ක්‍රියාත්මක කරන ලදී.