ශ්‍රී ලංකා සන්නාහ සන්නද්ධ බලකා සේවා වනිතා ශාඛාව පරිත්‍යාග වැඩසටහනක් පවත්වයි

ශ්‍රී ලංකා සන්නාහ සන්නද්ධ බලකා සේවා වනිතා ශාඛාව විසින් මෑතකදී ඇති වූ ස්වභාවික විපත්වලින් පීඩාවට පත් පවුල් සඳහා සහන සැලසීමේ වැඩසටහනක් ක්‍රියාත්මක කරන ලදී. එම වැඩසටහන මඟින් 2025 දෙසැම්බර් මස 02 දින, කීර්ති බණ්ඩාර මහතා ඇතුළු පිරිසකගේ පරිත්‍යාගයෙන් යුතුව, අඹතලේ ගම්මානයේ නායයෑමෙන් පීඩාවට පත් වැසියන්ගේ ප්‍රයෝජනය සඳහා මහවෙල ප්‍රජා ශාලාවේදී ජල පිරිපහදු පද්ධතියක් ස්ථාපනය කෙරිණි. එදිනම, රිදීගම ප්‍රදේශයේ ගංවතුරින් පීඩාවට පත් කොමිෂන් නොලත් නිලධාරියෙකුගේ දරුවන්ගේ අධ්‍යාපන කටයුතු අඛණ්ඩව පවත්වා ගැනීම සඳහා අත්‍යවශ්‍ය පාසල් උපකරණ ද ලබා දෙන ලදී.

මෙම වැඩසටහන ශ්‍රී ලංකා සන්නාහ සන්නද්ධ බලකා සේවා වනිතා ශාඛාවේ සභාපතිනි සුමංගලී පතිරවිතාන මහත්මියගේ මඟ පෙන්වීම යටතේ පවත්වන ලද අතර ගයාත්‍රි වඩුගේ මහත්මිය විසින් මෙම වැඩසටහන සම්බන්ධීකරණය කරන ලදී.

ශ්‍රී ලංකා සන්නාහ සන්නද්ධ බලකා සේවා වනිතා ශාඛාවේ වාර්ෂික වැඩසටහන 2025 දෙසැම්බර් මස 06 දින පවත්වමින් 1 වන විමර්ශන රෙජිමේන්තු සාමාජිකයන්ගේ දරුවන් 23 දෙනෙකු සහ අනෙකුත් ඒකකවල සාමාජිකයන්ගේ දරුවන් 11 දෙනෙකු වෙත පාසල් උපකරණ හිමි විය. මීට අමතරව, 1 වන විමර්ශන රෙජිමේන්තුවේ සේවය නියුතු සිවිල් කාර්ය මණ්ඩලය වෙත වියළි සලාක පාර්සල් බෙදා දීම ද මෙහිදී සිදු කෙරිණි.