10th March 2025 17:31:41 Hours
ශ්‍රී ලංකා සංඥා බලකා සේවා වනිතා ශාඛාවේ සභාපතිනි අයේෂා ලියනගේ මහත්මියගේ මඟපෙන්වීම මත ජාත්‍යන්තර කාන්තා දිනයට සමගාමීව 2025 මාර්තු මස 09 දින එම රෙජිමේන්තු කාන්තා සෙබලියක් වෙනුවෙන් පරිත්‍යාග වැඩසටහනක් පවත්වන ලදී.
කුලී නිවසක ජීවත් වන තිදරු මවක් වන ඇය විසින් සිය පවුලේ සියලු වියදම් තනිව කළමනාකරණය කරනු ලබන අතර ඇයගේ දරුවන් කටාන, මරියා රාජිනි ප්‍රාථමික විද්‍යාලයේ පළමු ශ්‍රේණියේ ඉගෙනුම ලබති. ඇය සතු අභියෝග හඳුනාගනිමින් ශ්‍රී ලංකා සංඥා බලකා සේවා වනිතා ශාඛාව වෙතින් ඇයට සහයෝගය ලබාදීමේ අරමුණින් මූල්‍ය ආධාර පිරිනැමීමේ වැඩසටහනක් ක්‍රියාත්මක කරන ලදී.
මේ අතර, දීර්ඝකාලීන සුභසාධන වැඩසටහනක් වශයෙන් එම කඳවුරු පරිශ්‍රයේ පැෂන් පැළ රෝපණය කරනු ලැබූ අතර ඉන් ලැබෙන ආදායම් හමුදා සාමාජිකයන්ගේ සුභසාධන කටයුතු සඳහා භාවිතා කිරීමට බලාපොරොත්තු වේ.
