05th March 2025 14:47:41 Hours
ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාව වෙතින් 2025 පෙබරවාරි මස 23 දින රුවන්වැලි මහා සෑ පරිශ්‍රයේදී ආගමික වැඩසටහනක් පවත්වමින් යුධෝපකරණ බලකා සාමාජිකයන් සහ ඔවුන්ගේ පවුල්වල සාමාජිකයන් වෙනුවෙන් ආශිර්වාද එක්කරනු ලැබීය.
ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ සභාපතිනි ඉරේෂා ප්‍රනාන්දු මහත්මියගේ මඟපෙන්වීම සහ ශ්‍රී ලංකා යුද්ධ හමුදා යුධෝපකරණ බලකායේ බලකාධිපති මේජර් ජෙනරල් ඊ.එම්.එම් ප්‍රනාන්දු Hdmc Lsc AATO ගේ අධීක්‍ෂණය මත මෙම ආගමික වැඩසටහන පැවැත්විණි.
ආගමික වැඩසටහනෙන් අනතුරුව, 2 වන ශ්‍රී ලංකා යුද්ධ හමුදා යුධෝපකරණ බලකායේ සෙසුනිලයන්ගේ දුවා දරුවන් වෙනුවෙන් පාසල් ලිපිද්‍රව්‍ය පරිත්‍යාග වැඩසටහනක් ද පැවැත්විණි. එමෙන්ම, ජය ශ්‍රී මහා බෝධි පරිශ්‍රයේදී කිරිආහාර පූජාවක් පැවැත්වූ අතර ඒ සඳහා ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරින්, නිලධාරින් සහ සෙසුනිලයන් පිරිසක් සහභාගි වූහ.
