10th January 2025 11:09:56 Hours
2024 නොවැම්බර් මස 30 දින තායිලන්තයේ බැංකොක් නුවර පැවති ප්‍රෝ ලීග් ජාත්‍යන්තර වෘත්තීය මට්ටමේ කායවර්ධන තරඟාවලියට සහභාගිවී ජයග්‍රහණයන් ලබාගත් තාරකා සඳරේනු පෙරේරා ඇගයීමේ උත්සවයක් 2025 ජනවාරි මස 05 දින ගැමුණු හේවා බලකා රෙජිමේන්තු මධ්‍යස්ථානයේදී පැවැත්විණි.
මානුෂීය මෙහෙයුම අතරතුර පරන්තන් ප්‍රදේශයේ දී ඇයගේ පියා රට වෙනුවෙන් සිය ජීවිතය පූජා කළ අතර, තම පියාගෙන් ලද ශක්තිය හා ධෛර්ය ඇයගේ මෙම ජයග්‍රහණය සඳහා මනා පිටුවහලක් විය.
උත්සවය අතරතුරදී, ගැමුණු හේවා බලකා රෙජිමේන්තු මධ්‍යස්ථානයේ රෙජිමේන්තු අධිපති මේජර් ජෙනරල් ඩබ්ලිව්.බී.ජේ.කේ විමලරත්න ආර්ඩබ්ලිව්පී ආර්එස්පී සහ එම බලකා සේවා වනිතා ශාඛාවේ සභාපතිනී ආචාර්ය දිල්රුක්‍ෂි විමලරත්න මහත්මිය විසින් ඇයට සමරු තිළිණයක් ප්‍රදානය කරනු ලැබීය. ඉන් පසුව, තාරකා සඳරේනු පෙරේරා ඇයගේ මවත් සමඟින් එක්ව තම පියා සිහිපත් කරමින් රෙජිමේන්තු රණවිරු ස්මාරකය වෙත පුෂ්පෝපහාර දැක්වීය.
මෙම අවස්ථාවට ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් සහභාගී වූහ.
