01st January 2025 15:50:21 Hours
ශ්‍රී ලංකා පාබල හමුදා සේවා වනිතා ශාඛාව, ‘Crest Container Lines’ සහ ‘යසෝධා විදුලි උපකරණ’ පුද්ගලික සමාගම සමඟ ඒකාබද්ධව ශ්‍රී ලංකා පාබල හමුදාව යටතේ රාජකාරියේ නියුතු සෙසුනිලයන්ගේ අධ්‍යාපන කටයුතුවල නිරත දුවා දරුවන් 50 දෙනෙකු වෙනුවෙන් පාසල් උපකරණ පරිත්‍යාග කිරීමේ වැඩසටහනක් 2024 දෙසැම්බර් මස 28 දින එම රෙජිමේන්තු මධ්‍යස්ථානයේදී පැවැත්විණි.
ආරක්‍ෂක සේනා ආඥාපති - යාපනය සහ ශ්‍රී ලංකා පාබල හමුදාවේ රෙජිමේන්තු අධිපති මේජර් ජෙනරල් වයි.ඒ.බී.එම්. යහම්පත් ආර්ඩබ්ලිව්පී ආර්එස්පී එන්ඩීයූ පීඑස්සී ගේ උපදෙස් මත සහ ශ්‍රී ලංකා පාබල හමුදා සේවා වනිතා ශාඛාවේ සභාපතිනී දර්ශනී යහම්පත් මහත්මියගේ අධීක්‍ෂණය මත මෙම උත්සවය පැවැත්විණි.
මෙම අවස්ථාවට ශ්‍රී ලංකා පාබල හමුදා සේවා වනිතා ශාඛාවේ ජ්‍යෙෂ්ඨ සාමාජිකාවන්, අනුග්‍රාහක භවතුන්, ජ්‍යෙෂ්ඨ නිලධාරින්, සෙසුනිලයන් සහ ඔවුන්ගේ දුවා දරුවන් සහභාගී වූහ.
