01st January 2025 15:47:16 Hours
ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ සභාපතිනි ඉරේෂා ප්‍රනාන්දු මහත්මියගේ මඟපෙන්වීම මත එම බලකාය යටතේ සේවයේ නියුතු කොමිෂන් නොලත් නිලධාරියෙකුගේ පවුලේ සාමාජිකයන් වෙනුවෙන් කළුතර ප්‍රදේශයේ අභිනවයෙන් ඉඳිකරනු ලැබූ නව නිවස 2024 දෙසැම්බර් මස 18 දින නිවාසලාභි පවුලේ සාමාජිකයන් වෙත නිල වශයෙන් පවරාදෙනු ලැබීය.
මෙම අවස්ථාවට ප්‍රධාන ආරාධිත අමුත්තා ලෙස භඨකාර්ය සම්පාදක අණසක මූලස්ථානයේ ආඥාපති සහ යුද්ධ හමුදා යුධෝපකරණ බලකායේ බලකාධිපති මේජර් ජෙනරල් ඊ.එම්.එම්. ප්‍රනාන්දු එච්ඩීඑම්සී එල්එස්සී ඒඒටීඕ සහභාගී විය.
උත්සවය අතරතුරදී, ප්‍රධාන ආරාධිත අමුත්තාගේ සුරතින් නව නිවසේ යතුරු නිවාසලාභියා වෙත නිල වශයෙන් භාරදෙන ලදී. ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ මූල්‍යමය අනුග්‍රාහකත්වය සහ දේශීය පරිත්‍යාගශීලීන්ගේ සහයෝගය ඇතිව මෙම නිවස ඉදිකරනු ලැබීය.
මෙම අවස්ථාවට ශ්‍රී ලංකා යුද්ධ හමුදා යුධෝපකරණ බලකා සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරින්, නිලධාරින් සහ සෙසුනිලයන් පිරිසක් සහභාගී වූහ.
