18th December 2024 15:26:53 Hours
ගැමුණු හේවා බලකා සේවා වනිතා ශාඛාවේ සභාපතිනිය දිල්රුක්‍ෂි විමලරත්න මහත්මියගේ මඟපෙන්වීම මත 2024 දෙසැම්බර් මස 15 දින බෝලගල ප්‍රවීණ රණවිරු නිවාස පරිශ්‍රයේදී නත්තල් සැමරුම් උත්සවයක් පැවැත්වීය.
මෙම උත්සවයට සමගාමීව ගැමුණු හේවා බලකා සේවා වනිතා ශාඛාවේ සාමාජිකාවන්ගේ සහ ගැමුණු හේවා බලකා ඒකකයන්හි දායකත්වයෙන් නත්තල් කැරොල් ගායනාවක්, පූජකතුමන්ලාගේ දේශනයක් සහ සුහඳ පිළිසඳරක් ද පැවැත්විණි. එමෙන්ම, එම ප්‍රවීණ රණවිරු නිවාසයේ නේවාසික රණවිරු ප්‍රවීණයන් වෙනුවෙන් තේ පැන් සංග්‍රහයක් සහ දිවා භෝජන සංග්‍රහයක් පිරිනැමූ අතර නත්තල් සීයා විසින් ත්‍යාග පාර්සල් ද ඔවුන් වෙනුවෙන් බෙදාදෙනු ලැබිණි.
මෙම අවස්ථාවට ගැමුණු හේවා බලකා සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරින්, නිලධාරින් සහ සෙසුනිලයන් පිරිසක් සහභාගී වූහ.
