විශේෂ බලකා සේවා වනිතා ශාඛාවේ සාමාජිකාවන් මිහිඳු සෙත් මැඳුර සුවතා නිකේතනයේ සංචාරයක

ආරක්‍ෂක සේනා ආඥාපති - වන්නි සහ විශේෂ බලකායේ බලකාධිපති මේජර් ජෙනරල් ජේ.පී.සී. පීරිස් ආර්ඩබ්ලිව්පී ආර්එස්පී එන්ඩීසී ගේ මඟපෙන්වීම සහ විශේෂ බලකා සේවා වනිතා ශාඛාවේ සභාපතිනිය අනෝජා පීරිස් මහත්මියගේ අධීක්‍ෂණය මත 2024 දෙසැම්බර් මස 14 දින එම සේවා වනිතා ශාඛාවේ සාමාජිකාවන් අත්තිඩියෙහි මිහිඳු සෙත් මැඳුර සුවතා නිකේතනයේ සංචාරයක නිරතවිය. Sri Lanka Killer Whale Aquatic සහ විශේෂ බලකා සේවා වනිතා ශාඛාවේ සාමාජිකාවන්ගේ දායකත්වය මත මෙම සංචාරය සිදුකරනු ලැබිණි.

මෙම සංචාරය අතරතුරදී, එම සුවතා නිකේතනයේ නේවාසික රණවිරුවන් වෙත ත්‍යාග පාර්සල් පරිත්‍යාග කිරීමෙන් පසුව එම සුවතා නිකේතනය වෙත අවශ්‍ය අත්‍යවශ්‍ය ද්‍රව්‍ය පරිත්‍යාගයක් ද සිදුකරනු ලැබිණි. ඉන් අනතුරුව, විශේෂ බලකා සේවා වනිතා ශාඛාවේ සාමාජිකාවන් එම රණවිරුවන් සමඟ සුහඳ පිළිසඳරක ද නිරතවිය. සංචාරයේ සමාප්තිය සනිටුහන් කරමින් සමූහ ඡායාරූපයක් සහ සුහඳ තේ පැන් සංග්‍රහයක් පැවැත්විණි.

මෙම සංචාරය සඳහා ජ්‍යෙෂ්ඨ නිලධාරින්, නිලධාරින්, සෙසුනිලයන් සහ එම සේවා වනිතා ශාඛාවේ සාමාජිකාවන් පිරිසක් ද සහභාගී වූහ.