ශ්‍රී ලංකා පාබල හමුදා සේවා වනිතා ශාඛාවේ මූලිකත්වයෙන් වියළි ආහාර සලාක ඇසුරුම් බෙදාදීමේ වැඩසටහනක්

ශ්‍රී ලංකා පාබල හමුදා සේවා වනිතා ශාඛාවේ මූලිකත්වයෙන් එම ශාඛාවේ ව්‍යාපෘතීන්හි සේවයේ නියුතු භටපිරිස් 52 දෙනෙකු වෙනුවෙන් ඔවුන්ගේ සේවය අගයකරමින් රු.260,000.00 වටිනාකමකින් යුත් වියළි ආහාර සලාක ඇසුරුම් බෙදාදීමේ වැඩසටහනක් පවත්වනු ලැබීය.

ශ්‍රී ලංකා පාබල හමුදා රෙජිමේන්තු මධ්‍යස්ථාන සම්මන්ත්‍රණ ශාලාවේදී 2024 දෙසැම්බර් මස 05 දින පැවති සේවා වනිතා ශාඛාවේ මාසික සභා රැස්වීම අතරතුරදී ශ්‍රී ලංකා පාබල හමුදාවේ රෙජිමේන්තු අධිපති මේජර් ජෙනරල් වයි.ඒ.බී.එම් යහම්පත් ආර්ඩබ්ලිව්පී ආර්එස්පී එන්ඩීයූ පීඑස්සී ගේ මඟපෙන්වීම යටතේ ශ්‍රී ලංකා පාබල හමුදා සේවා වනිතා ශාඛාවේ සභාපතිනි දර්ශනි යහම්පත් මහත්මියගේ අධීක්‍ෂණය යටතේ මෙම වැඩසටහන පවත්වන ලදී. මෙම අවස්ථාවට ජ්‍යෙෂ්ඨ නිලධාරීන්, නිලධාරීන් සහ සෙසුනිලයින් සහභාගි වූහ.