විශේෂ බලකා සේවා වනිතා ශාඛාවේ සාමාජිකාවන් කඹුරුපිටියේ අභිමංසල 3 හි සංචාරයක

ආරක්‍ෂක සේනා ආඥාපති - වන්නි සහ විශේෂ බලකායේ බලකාධිපති මේජර් ජෙනරල් ජේ.පී.සී. පීරිස් ආර්ඩබ්ලිව්පී ආර්එස්පී එන්ඩීසී ගේ මඟපෙන්වීම සහ විශේෂ බලකා සේවා වනිතා ශාඛාවේ සභාපතිනී අනෝජා පීරිස් මහත්මියගේ අධීක්‍ෂණය යටතේ එම බලකා සේවා වනිතා ශාඛාවේ සාමාජිකාවන් 2024 දෙසැම්බර් මස 11 දින කුරුණෑගල, පාන්ගොල්ල අභිමංසල - 3 සුවතා නිකේතනයේ නිල සංචාරයක නිරත විය.

මෙම සංචාරය අතරතුරදී එම සුවතා නිකේතනයේ නේවාසිකව ප්‍රථිකාර ලබන රණවිරුවන් වෙත ත්‍යාග බෙදාදීම සිදුකරනු ලැබූ අතර, පසුව, ඔවුන් සමඟින් සුහඳව අදහස් හුවමාරු කරගැනීම සිදුවිය. අනතුරුව, නිල සංචාරයේ කටයුතු අවසන් කරමින් සමූහ ඡායාරූපයක් සඳහා පෙනී සිට තේ පැන් සංග්‍රහක් සඳහාද සියලු අයවලුන් එක් වූහ.

මෙම සංචාරය සඳහා විශේෂ බලකා සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් සහභාගී වූහ.