ඉංජිනේරු සේවා බලකා සේවා වනිතා ශාඛාවේ මූලිකත්වයෙන් පාසල් බෑග් පරිත්‍යාග වැඩසටහනක්

ඉංජිනේරු සේවා බලකායේ 75 වන සංවත්සර දිනයට සමගාමීව ඉංජිනේරු සේවා බලකා සේවා වනිතා ශාඛාවේ සභාපතිනි අනුපමා රත්නායක මහත්මියගේ මඟපෙන්වීම මත 15 (ස්වේච්ඡා) ඉංජිනේරු සේවා රෙජිමේන්තුව වෙතින් එම ඒකක පරිශ්‍රයේදී 2024 දෙසැම්බර් මස 7 දින පාසල් බෑග් පරිත්‍යාග කිරීමේ වැඩසටහනක් පවත්වන ලදී.

මෙම අවස්ථාව සඳහා ප්‍රධාන ආරාධිත අමුත්තා ලෙස ඉංජිනේරු සේවා බලකා සේවා වනිතා ශාඛාවේ ජ්‍යෙෂ්ඨ සාමාජිකාවක් වන ජේ.පී. ටෙක්ලා මහත්මිය සහභාගි විය.

වැඩසටහන අතරතුරදී, 15 (ස්වේච්ඡා) ඉංජිනේරු සේවා රෙජිමේන්තුවේ රාජකාරියේ නියුතු සෙසුනිලයන්ගේ අධ්‍යාපන කටයුතු වල නිරත දුවා දරුවන් 294 දෙනෙකු වෙත පාසල් බෑග් පරිත්‍යාග කරනු ලැබීය. ඉන් අනතුරුව, ඔවුන් වෙත තේපැන් සංග්‍රහයක් ද පිරිනැමිණි. මෙම අවස්ථාවට 15 (ස්වේච්ඡා) ඉංජිනේරු සේවා රෙජිමේන්තුවේ අණදෙන නිලධාරි ලුතිනන් කර්නල් එස්.බී.ටී.පී. ද සිල්වා ඇතුළු ජ්‍යෙෂ්ඨ නිලධාරින්, නිලධාරින් සහ සෙසුනිලයන් පිරිසක් සහභාගී වූහ.