25th November 2024 23:22:11 Hours
ගජබා රෙජිමේන්තු සේවා වනිතා ශාඛාවේ සභාපතිනි ප්‍රියංගා වික්‍රමසිංහ මහත්මියගේ මඟපෙන්වීම යටතේ, ශ්‍රී ලංකා අක්ෂිදාන සංගමයේ සහයෝගීතාවයෙන් ගජබා රෙජිමේන්තු මධ්‍යස්ථානයේදී ඇස් කණ්නාඩි පරිත්‍යාග කිරීමේ වැඩසටහනක් 2024 නොවැම්බර් මස 20 දින පවත්වන ලදී.
මෙම අවස්ථාව සඳහා ප්‍රධාන ආරාධිත අමුත්තා ලෙස ආරක්‍ෂක සේනා ආඥාපති - යාපනය සහ ගජබා රෙජිමේන්තුවේ රෙජිමේන්තු අධිපති මේජර් ජෙනරල් එම්.ජී.ඩබ්ලිව්.ඩබ්ලිව්.ඩබ්ලිව්.එම්.සී.බී. වික්‍රමසිංහ ආර්ඩබ්ලිව්පී ආර්එස්පී එන්ඩීයූ පීඑස්සී සහභාගී වූ අතර, එම වැඩසටහන අතරතුරදී ප්‍රතිලාභීන් 381 දෙනෙකු වෙත ඇස් කණ්ණාඩි ප්‍රදානය කරන ලදී.
මෙම වැඩසටහන සඳහා ගජබා රෙජිමේන්තු සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරීන්, නිලධාරීන්, සෙසුනිලයන්, ශ්‍රී ලංකා අක්ෂිදාන සංගමයේ සාමාජිකයින් සහ ප්‍රතිලාභීන් සහභාගී වූහ.
