24th November 2024 14:40:37 Hours
කමාන්ඩෝ රෙජිමේන්තු සේවා වනිතා ශාඛාවේ මාසික රැස්වීම ගනේමුල්ල කමාන්ඩෝ රෙජිමේන්තු මධ්‍යස්ථානයේදී එම සේවා වනිතා ශාඛාවේ සභාපතිනී සමින්දි වික්‍රමරත්න මහත්මියගේ මඟපෙන්වීම යටතේ 2024 නොවැම්බර් මස 16 දින පවත්වන ලදී.
සේවා වනිතා ගීතය ගායනා කරමින් අනතුරුව මව්බිම වෙනුවෙන් දිවි පිදූ රණවිරුවන් සිහිකිරීම සඳහා විනාඩියක නිශ්ෂබ්දතාවයක් රැකීමෙන් පසුව රැස්වීම ආරම්භ විය. ඒ අනුව දැනට ක්‍රියාත්මක වැඩසටහන් සමාලෝචනය කිරීම, රාගම රණවිරු සෙවණ වෙත සිදුකිරීමට නියමිත සංචාරය සැලසුම් කිරීම, සේවාවනිතා ශාඛාවේ ලාංඡනය සංශෝධනය කිරීම සහ ඉදිරි රැස්වීම් සඳහා කාලසටහන් සකස්කිරීම වැනි කරුණු ප්‍රධාන සාකච්ඡාවලට ඇතුළත් විය.
මෙහිදී නව නිලධාරී මණ්ඩලයක් පත් කරගන්නා ලද අතර, අනතුරුව මේජර් එච්.ජේ.ටී පෙරේරා ආර්එස්පී යූඑස්පී වෙත එතුමන්ගේ දායකත්වය අගයමින් සමරු තිළිණයක් ද පිරිනමන ලදී. තවඳ, මෙහෙදී අභිප්‍රේරණ දේශණයක්, ගැබිණි මව්වරුන් සඳහා පරිත්‍යාග වැඩසටහනක් සහ දෙසැම්බර් නත්තල් සැමරුම් දිනය සඳහා සැලසුම් ඉදිරිපත් කීරීම සිදුවිය.
මෙම අවස්ථාවට ජ්‍යෙෂ්ඨ නිලධාරීන්,නිලධාරීන්, සාමාජිකාවන් සහභාගී වූහ.
