ශ්‍රී ලංකා සංඥා බලකා සේවා වනිතා ශාඛාවෙන් පොත් පරිත්‍යාග වැඩසටහනක්

ශ්‍රී ලංකා සංඥා බලකා සේවා වනිතා ශාඛාව විසින් 2024 නොවැම්බර් මස 08 දින පනාගොඩ, ශ්‍රී ලංකා සංඥා බලකා රෙජිමේන්තු මධ්‍යස්ථානයේදී පොත් පරිත්‍යාග කිරීමේ වැඩසටහනක් පවත්වන ලදී.

මෙම වැඩසටහන සඳහා ප්‍රධාන ආරාධිත අමුත්තා ලෙස ශ්‍රී ලංකා සංඥා බලකා සේවා වනිතා ශාඛාවේ සභාපතිනි ගංගා හේරත් මහත්මිය සහභාගී විය. වැඩසටහන අතරතුර, රු. 4,803,063.00 ක වටිනාකමකින් යුත් පොත් පාර්සල් 2,082 න් පාර්සල් 90 ක්, කොළඹ සහ ඒ අවට ප්‍රදේශයන්හි පදිංචි එම රෙජිමේන්තුවේ රාජකාරි කරනු ලබන සෙනීන්ගේ පාසල් අධ්‍යාපනය ලබන දරුවන් වෙත සංකේතාත්මකව ප්‍රදානය කරන ලදී.

ඉතිරි පොත් පාර්සල් ඒකක අණදෙන නිලධාරීන් වෙත භාරදුන් අතර, ඔවුන්ගේ අධීක්‍ෂණය යටතේ එම පොත් පාර්සල් බෙදා දීමට නියමිතව ඇත.

මෙම අවස්ථාවට ශ්‍රී ලංකා සංඥා බලකා සේවා වනිතා ශාඛාවේ සාමාජිකාවන්, ජ්‍යෙෂ්ඨ නිලධාරීන්, නිලධාරීන්, සෙසුනිලයන් සහ ප්‍රථාලාභී ළමුන් සහභාගී වූහ.