06th November 2024 23:18:32 Hours
ශ්‍රී ලංකා යුද්ධ හමුදා පොලිස් හේවා බලකා සේවා වනිතා ශාඛාවේ සභාපතිනි මනීෂා කොතලාවල මහත්මියගේ මඟපෙන්වීම මත කොළඹ රෝයල් ආයතනයේ රොටරැක්ට් සමාජයේ සහභාගීත්වයෙන් අත්තිඩිය මිහිඳු සෙත්මැඳුර සුවතා නිකේතනයේදී පරිත්‍යාග වැඩසටහනක් පැවැත්විණි.
එම සුවතා නිකේතනයේ නේවාසිකව ප්‍රතිකාර ලබන රණවිරුවන් වෙනුවෙන් මෙම පරිත්‍යාග වැඩසටහන ක්‍රියාත්මක කිරීම සඳහා රොටරැක්ට් සමාජය වෙතින් රු. 69,000.00 ක මූල්‍ය පරිත්‍යාගයක් සිදුකරනු ලැබීය. මෙම වැඩසටහන අතරතුරදී, රොටරැක්ට් සමාජයේ කැලිප්සෝ සංගීත කණ්ඩායම වෙතින් විනෝදාස්වාද වැඩසටහනක් පැවැත්වූ අතර කෙටි ආහාරපාන ද පිරිනැමිණි.
