ශ්‍රී ලංකා කාලතුවක්කු හමුදා සේවා වනිතා ශාඛාවෙන් ළමා දින සැමරුම් උත්සවයක් සංවිධානය කරයි

ශ්‍රී ලංකා කාලතුවක්කු හමුදා සේවා වනිතා ශාඛාවේ සභාපතිනි ස්වෙන්ද්‍රිනි රුද්‍රිගෝ මහත්මියගේ මඟපෙන්වීම මත අවශ්‍යතා ඇති එම රෙජිමේන්තු සෙසු නිලයන්ගේ දරුවන් සඳහා පරිත්‍යාග වැඩසටහනක් 2024 ඔක්තෝබර් මස 18 දින 4 කාරක රෙජිමේන්තුව කාලතුවක්කු හමුදා ශ්‍රවණාගාරයේදී සංවිධානය කරන ලදී.

මෙම අවස්ථාව සඳහා ප්‍රධාන ආරාධිත අමුත්තා ලෙස ශ්‍රී ලංකා යුද්ධ හමුදා ස්වේච්ඡා බලකායේ සේනාවිධායක සහ ශ්‍රී ලංකා කාලතුවක්කු හමුදාවේ බලකාධිපති මේජර් ජෙනරල් බී.කේ.ජී.එම්.එල්. රොද්‍රගෝ ආර්එස්පී පීඑස්සී අයිජී සහභාගී වූහ.

මෙම වැඩසටහන අතරතුරදී පාසල් ළමුන් 30 දෙනෙකු සඳහා පාසල් බෑග්, සපත්තු සහ පාසල් ලිපි ද්‍රව්‍ය සංකේතාත්මකව බෙදා දුන් අතර, ඉදිරියේදී තවත් පාසල් ළමුන් 70 දෙනෙකු සඳහා පාසල් උපකරණ බෙදාදීමට සැලසුම් කර ඇත.

මෙම වැඩසටහන සඳහා මුල්‍ය දායකත්වය එම රෙජිමේන්තුවේ සාමාජිකයන් සහ දානපතියන් විසින් සපයන ලදී.මෙම වැඩසටහණට තේ පැන් සංග්‍රහයක් මෙන්ම ළමා කුසලතා එලිදැක්වීමේ වැඩසටහනක් සහ දිවා ආහාර සංග්‍රහයක් ඇතුළත් විය.

මෙම අවස්ථාවට සඳහා ජ්‍යෙෂ්ඨ නිලධාරීන්, නිලධාරීන්, සෙසු නිලයන් සහ කුඩා දරුවන් පිරිසක් ද සහභාගී වූහ.