ගැමුණු හේවා බලකා සේවා වනිතා ශාඛාවේ මූලිකත්වයෙන් පරිත්‍යාග වැඩසටහනක්

ගැමුණු හේවා බලකා සේවා වනිතා ශාඛාවේ සභාපතිනි මනෝරි වෙලගෙදර මහත්මියගේ මඟපෙන්වීම මත එම සේවා වනිතා ශාඛාව වෙතින් 2024 ඔක්තෝම්බර් මස 19 දින ගැමුණු හේවා බලකා සාමාජිකයන්ගේ පවුල්වල සාමාජිකයන් වෙනුවෙන් පරිත්‍යාග වැඩසටහනක් ක්‍රියාත්මක කරන ලදී.

මෙම වැඩසටහන අතරතුරදී, ගැමුණු හේවා බලකා සාමාජිකයන්ගේ පවුල්වල සාමාජිකයන්ගේ වෛද්‍ය අවශ්‍යතා සපුරාලමින් පරිත්‍යාග 11 ක් සිදුකෙරිණි. එමෙන්ම, 2023 අ.පො.ස (සා/පෙළ) විභාගයෙන් ඒ සාමාර්ථ 9 ක් ලබා විශිෂ්ඨ දක්‍ෂතා දැක්වූ සිසු සිසුවියන් වෙනුවෙන් ශිෂ්‍යත්ව 2 ක් ද ප්‍රදානය කරනු ලැබීය. මීට අමතරව, ආර්ථික දුෂ්කරතා මධ්‍යයේ දිවිගෙවන පවුල් වෙනුවෙන් වියළි ආහාර සලාක පාර්සල් 2 ක් සහ සිසු සිසුවියන් වෙනුවෙන් පාසල් උපකරණ කට්ටල 15 ක් ද පරිත්‍යාග කෙරිණි.

මෙම අවස්ථාව සඳහා ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් පිරිසක් සහභාගී වූහ.