ශ්‍රී ලංකා යුද්ධ හමුදා කාන්තා බලකා සේවා වනිතා ශාඛාවේ මූලිකත්වයෙන් ලෝක ළමා දින සැමරුම් වැඩසටහනක්

ශ්‍රී ලංකා යුද්ධ හමුදා කාන්තා බලකා සේවා වනිතා ශාඛාවේ සභාපතිනි උදුලා කස්තුරිමුදලි මහත්මියගේ සංකල්පයකට අනුව එම සේවා වනිතා ශාඛාව වෙතින් 2024 ඔක්තෝබර් මස 05 දින 2 (ස්වෙච්ඡා) බලඇණිය ශ්‍රී ලංකා යුද්ධ හමුදා කාන්තා බලකායේදී ලෝක ළමා දින සැමරුම් උත්සවයක් ක්‍රියාත්මක කෙරිණි.

මෙම වැඩසටහන අතරතුරදී, 7, 2 (ස්වෙච්ඡා) සහ 3 (ස්වෙච්ඡා) බලඇණිය ශ්‍රී ලංකා යුද්ධ හමුදා කාන්තා බලකා ඒකකයන්හී නිලධාරිනියන් සහ කාන්තා සෙබලියන්ගේ දුවා දරුවන් 50 දෙනෙකු වෙනුවෙන් විනෝදාත්මක වැඩසටහන් පැවැත්විණි. එහිදී, එම සේවා වනිතා ශාඛාවේ සභාපතිනිගේ සුරතින් ළමුන් වෙනුවෙන් ත්‍යාග පාර්සල් ද පිරිනැමීය. මෙම අවස්ථාවට ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් රැසක් සහභාගි වූහ.