යුද්ධ හමුදා සේවා වනිතා ඒකකයේ මූලිකත්වයෙන් පාසල් උපකරණ පරිත්‍යාගයක්

යුද්ධ හමුදා සේවා වනිතා ඒකකය වෙතින් යුද්ධ හමුදාවේ 75 වන සංවත්සර දිනයට සමගාමීව නිරන්ගොමුව ප්‍රාථමික විද්‍යාලය සහ නිලන්නෝරුව ප්‍රාථමික විද්‍යාලයේ සිසු සිසුවියන් වෙනුවෙන් මාතලේ නිරන්ගොමුව ප්‍රාථමික විද්‍යාල පරිශ්‍රයේදී 2024 ඔක්තෝම්බර් මස 11 දින පරිත්‍යාග වැඩසටහනක් ක්‍රියාත්මක කරනු ලැබීය.

මෙම උත්සවයේ ප්‍රධාන ආරාධිත අමුත්තා ලෙස යුද්ධ හමුදා සේවා වනිතා ඒකකයේ සභාපතිනි ජානකී ලියනගේ මහත්මිය සහභාගි වූවාය.

මෙම වැඩසටහන අතරතුරදී, අඩු ආදායම්ලාභී පවුල්වල අධ්‍යාපන කටයුතුවල නිරත පාසල් සිසු සිසුවියන් වෙනුවෙන් පාසල් උපකරණ පරිත්‍යාග කරනු ලැබීය.

මෙම අවස්ථාව සඳහා යුද්ධ හමුදා සේවා වනිතා ඒකකයේ බ්‍රිගේඩියර් සම්බන්ධීකරණ ඇතුළු ජ්‍යෙෂ්ඨ නිලධාරීන්, නිලධාරීන්, ගුරු භවතුන්, දෙමාපියන් සහ සිසු සිසුවියන් පිරිසක් සහභාගි වූහ.