11th September 2024 19:55:23 Hours
කමාන්ඩෝ රෙජිමේන්තු සේවා වනිතා ශාඛාවේ මූලිකත්වයෙන් අ.පො.ස. උ/පෙළ විභාගයෙන් විශිෂ්ට දක්ෂතා දැක්වූ එම රෙජිමේන්තු සාමාජිකයන්ගේ දරුදැරියන් ඇගයීම සඳහා ත්‍යාග ප්‍රදානෝත්සවයක් 2024 සැප්තැම්බර් මස 07 දින පවත්වන ලදී. මෙම උත්සවය එම සේවා වනිතා ශාඛාවේ සභාපතිනී නිමාලි රණතුංග මහත්මියගේ මඟපෙන්වීම යටතේ සංවිධානය කරන ලදී.
මෙම වැඩසටහනේ දී විභාගයෙන් විශිෂ්ට දක්ෂතා දැක්වූ දරුදැරියන්ගේ අධ්‍යයන විශිෂ්ටත්වය අගයමින් සහතිකපත්‍ර සහ ත්‍යාග ප්‍රදානය කෙරිණි. මෙම අවස්ථාවට 1 බළකායේ බලකාධිපති සහ කමාන්ඩෝ රෙජිමේන්තුවේ රෙජිමේන්තු අධිපති මේජර් ජෙනරල් පී.ජි.පී.එස්. රත්නායක ආර්ඩබ්ලිව්පී ආර්එස්පී එන්ඩීයූ ඇතුළු ජ්‍යෙෂ්ඨ නිලධාරීන්, නිලධාරීන් සහ සෙසු නිලයන්ද සහභාගී වූහ.
