04th August 2024 12:13:49 Hours
ඉපලෝගම ‘විරු කැකුළු’ පෙර පාසලේ දරුදැරියෝ 2024 ජුලි මස 29 දින විරු කැකුළු ක්‍රීඩා පිටියේදී ‘Cuddle Bug’ යන තේමාව යටතේ වාර්ෂික ක්‍රීඩා උළෙලේදී සිය දක්ෂතා ප්‍රදර්ශනය කළහ.
මෙම උත්සවයේ සමාරම්භක අවස්ථාවට ප්‍රධාන ආරාධිත අමුත්තිය ලෙස විශේෂ බලකා සේවා වනිතා ශාඛාවේ සභාපතිනී සහ විරු කැකුළු පෙර පාසල භාර යුද්ධ හමුදා සේවාවනිතා ඒකකයේ ජ්‍යෙෂ්ඨ සාමාජිකා අනෝජා පීරිස් මහත්මිය සහ එම සේවාවනිතා සාමාජිකාවන් කිහිප දෙනෙකු සහභාගී වූහ. එම ස්ථානයට ප්‍රධාන ආරාධිත අමුත්තිය කුඩා දරුදැරියෝ බුලත් හුරුල්ලක් දී උණුසුම් අයුරින් පිළිගත්හ.
එහිදී පැවති විවිධ ක්‍රීඩා සහ විනෝදාත්මක අංගයන් සඳහා එම පෙරපාසලේ සියලු දරුදැරියෝ සහභාගි වූහ. අනතුරුව, එම පෙර පාසලේ ගුරුවරුන් සහ දෙමාපියන් වෙනුවෙන් විශේෂ උත්සවයක් ද සංවිධානය කර තිබුණි. විනෝදාස්වාද ඉසව් මෙන්ම සරඹ සහ තූර්ය වාදන සංදර්ශනවලින් මෙම වැඩසටහන වර්ණවත් විය. ප්‍රධාන ආරාධිත අමුත්තිය විසින් ක්‍රීඩා උත්සවය සඳහා සහභාගී වූ දරුදැරියන් සඳහා ත්‍යාග ප්‍රදානය කරන ලදී.
මෙම අවස්ථාවට ජ්‍යෙෂ්ඨ නිලධාරීන්, යුද්ධ හමුදා සේවාවනිතා එකකයේ ජ්‍යෙෂ්ඨ සාමාජිකාවන්, සෙසු නිලයන් සහ දෙමාපියන් ද සහභාගී වූහ.
