27th July 2024 09:42:03 Hours
විජයබාහු පාබල රෙජිමේන්තු සේවා වනිතා ශාඛාවේ සභාපතිනි තුෂාරා යටිවාවල අලුවිහාරේ මහත්මිය 2024 ජූලි මස 20 දින එම සේවාවනිතා ශාඛාවේ සාමාජිකාවන් සමඟින් කඹුරුපිටියේ අභිමංසල-II' හි සංචාරයක නිරත විය.
සිය සංචාරයේදී සභාපතිනිය විසින් නේවාසික රණවිරුවන් සමඟ සුහද කතාබහක නිතර විය. මෙම සංචාරයේදී සභාපතිනිය විසින් රණවිරුවන් වෙත අත්‍යාවශ්‍ය ත්‍යාග ඇසුරුම් 13ක් සහ ඔවුන්ගේ සහායකයන් හට අමතර ත්‍යාග බෙදා දෙන ලදී. අභිමංසල-II පහසුකම් නඩත්තු කිරීම සඳහා දායකත්වය දක්වමින් සභාපතිනිය විසින් සනීපාරක්ෂක ද්‍රව්‍ය ද පරිත්‍යාග කරන ලදී.
විජයබාහු පාබල රෙජිමේන්තු සේවා වනිතා ශාඛාවේ සාමාජිකාවන් නේවාසික රණවිරුවන් වෙත තේ පැන් සංග්‍රහයක් සහ වර්ණවත් සංගීත වැඩසටහනක් පවත්වන ලදී.
මෙම අවස්ථාව සඳහා ජ්‍යෙෂ්ඨ නිලධාරීන්, නිලධාරීන්, විජයබාහු පාබල රෙජිමේන්තු සේවා වනිතා ශාඛාවේ සාමාජිකාවන් සහ සෙසු නිලයන් ද සහභාගී වූහ.
