18th November 2023 08:52:17 Hours
ශ්‍රී ලංකා යුද්ධ හමුදා පොලිස් හේවා බලකා සේවා වනිතා ශාඛාවේ මූලිකත්වයෙන් එම රෙජිමේන්තුවේ සේවයේ නියුතු සිවිල් සේවක මහත්ම මහත්මීන්ගේ ආර්ථික දුෂ්කරතා පිළිබඳ සලකා බලමින් ඔවුන් වෙත වියළි ආහාර සලාක පාර්සල් 53 ක් බෙදාදීමේ වැඩසටහනක් පසුගිය බදාදා (නොවැම්බර් මස 15) දින ගිරිතලේ ප්‍රදේශයේ ස්ථාපිත 2 ශ්‍රී ලංකා යුද්ධ හමුදා පොලිස් හේවා බලකා මූලස්ථානයේදී ක්‍රියාත්මක කරනු ලැබීය.
ශ්‍රී ලංකා යුද්ධ හමුදා විනයාරක්‍ෂාධිපති සහ ශ්‍රී ලංකා යුද්ධ හමුදා පොලිස් හේවා බලකායේ බලකාධිපති මේජර් ජෙනරල් ඒ.සී.ඒ. ද සොයිසා යූඑස්පී එච්ඩීඑම්සී එල්එස්සී ගේ මඟපෙන්වීම මත ශ්‍රී ලංකා යුද්ධ හමුදා පොලිස් හේවා බලකා සේවා වනිතා ශාඛාවේ සභාපතිනි ප්‍රියන්තිකා ද සොයිසා මහත්මිය එම බලකා සාමාජිකාවන් සමඟ එක්ව මෙම පරිත්‍යාග වැඩසටහන සංවිධානය කරන ලදී.
මෙම අවස්ථාව සඳහා ජ්‍යෙෂ්ඨ නිලධාරින්, නිලධාරින් සහ ඔවුන්ගේ භාර්යාවන් ද සහභාගී වූහ.
