මෙම ව්‍යාපෘතියේ මූලික අවධානය යොමු වී ඇත්තේ යුද්ධ හමුදා සාමාජිකයින්ට අවශ්‍ය උදෑසන ආහාරය, දිවා ආහාරය සහ රාත්‍රී ආහාරය ඇතුළු අත්‍යාවශ්‍ය ආහාර සැපයීමයි. මෙම සුභසාධක ආහාර ව්‍යාපෘතිය යුද්ධ හමුදා සේවා වනිතා ඒකකය විසින් නඩත්තු කිරීම සහ අධීක්ෂණය කරනු ලබයි. සියලුම යුද්ධ හමුදා සාමාජිකයින්ට දෛනිකව පෝෂ්‍යදායී සහ ප්‍රණීත ආහාර වේලක් ලබා ගැනීමට හැකි බව සහතික කිරීම, ඔවුන්ගේ ශාරීරික යහපැවැත්මට සහ ඔවුන්ගේ රාජකාරි කාර්යක්‍ෂමව ඉටු කිරීමට හැකිවීම මෙහි අරමුණයි. යුද්ධ හමුදා සේවා වනිතා ඒකකය මගින් පහත සඳහන් ස්ථානයන්හි සුබසාධන ආහාර ව්‍යාපෘති පවත්වාගෙන යනු ලැබේ.
- කොතලාවල ආරක්‍ෂක විශ්වවිද්‍යාල රෝහල - වේරහැර
- යුද්ධ හමුදා රෝහල - නාරාහේන්පිට
- විවාහක නිවාස සංකීර්ණය - මැනිං නගරය
- සෙසුනිල භටනිවාස සංකීර්ණය - කින්නදෙණිය
- යුද්ධ හමුදා මූලස්ථානය - අකුරේගොඩ
- ආරක්‍ෂක අමාත්‍යාංශය - අකුරේගොඩ
- ආපන ශාලාව - අකුරේගොඩ
තවද, එවකට සේවා වනිතා ඒකකයේ සභාපතිතුමියගේ යෝජනාවක් අනුව, සහනදායී මිලකට රෙජිමේන්තු, ඒකක සහ සිවිල් වැසියන් සඳහා විශේෂ අවස්ථාන්හිදී ආහාර පාන සැපයීම වෙනුවෙන් නවීනතම සේවා වනිතා බේකරි අංශයක් 2013 ජනවාරි 03 දින මැනිං ටවුන් විවාහක නිවාස සංකීර්ණයේ ස්ථාපිත කරන ලදී. තවද, මහජන ආපන ශාලාවක් 2020 දෙසැම්බර් මස 10 දින කොතලාවල ආරක්‍ෂක විශ්වවිද්‍යාල රෝහල් පරිශ්‍රයේ ස්ථාපිත කරන ලදී.
