13th June 2025 21:57:15 Hours
චොකලට් කිරි සහ බිස්කට්” දන්සලක් සංවිධානය කරයි 1 වන ශ්‍රී ලංකා යුද්ධ හමුදා කාන්තා බලකාය විසින් පොසොන් පොහොය දිනය නිමිතිකොට ගෙන 2025 ජුනි මස 09 වන දින බොරැල්ල කඳවුරු පරිශ්‍රයේදී 'උණුසුම් චොකලට් කිරි සහ බිස්කට් දන්සලක්' සංවිධානය කරන ලදී.
ශ්‍රී ලංකා යුද්ධ හමුදා කාන්තා බලකායේ සේවා වනිතා ශාඛාවේ ගරු සභාපතිනි සචේතා හේවගේ මැතිණියගේ මඟ පෙන්වීම යටතේ සහ 1 වන ශ්‍රී ලංකා යුද හමුදා කාන්තා බලකායේ සියලුම නිලයන්ගේ සහ රෙජිමේන්තු මධ්‍යස්ථානයේ සහාය ඇතිව එය සංවිධානය කරන ලදී.
මෙම අවස්ථාව සඳහා සිවිල් වැසියන් 3000 කට අධික පිරිසක් සහභාගී වූ අතර, ඔවුන් හට දක්වන ලද ආගන්තුක සත්කාරය සඳහා ඔවුන් කෘතඥතාව පළ කළහ.
