ශ්‍රී ලංකා යුද්ධ හමුදා කාන්තා බලකායෙහි කර්නල් සේනාවිධායක 1 වන ශ්‍රී ලංකා යුද්ධ හමුදා කාන්තා බලකායෙහි නිල කඳවුරු සංචාරයක

ආඥාපති ආරක්ෂක සේනා මූලස්ථානය (නැගෙනහිර) සහ ශ්‍රී ලංකා යුද්ධ හමුදා කාන්තා බලකායෙහි කර්නල් සේනාවිධායක මේජර් ජෙනරාල් කේ වී එන් පී ප්‍රේමරත්න ආර්එස්පී යූඑස්පී පීඑස්සී විසින් 2024 දෙසැම්බර් මස 18 වන දින 1 වන ශ්‍රී ලංකා යුද්ධ හමුදා කාන්තා බලකාය වෙත නිරීක්‍ෂණ චාරිකාවක නිරත විය.

එහිදී අණදෙන නිළධාරිණි මේජර් ඊ එම් එච් සී ද සේරම් පීඑස්සී ශ්‍රීලයුකාබ විසින් කර්නල් සේනාවිධායක පිළිගත් අතර ඒකකයෙහි රාජකාරි මෙන්ම පරිපාලන සහ සුභසාධන කටයුතු පිළිබඳ සෑම අංශයකටම අදාළ කරුණු පිළිබඳව දැනුවත් කරන ලදී. පසුව, කර්නල් සේනාවිධායකතුමා විසින් ශ්‍රීලයුකාබහි හි අනාගතය පිළිබඳ ඔහුගේ දැක්ම විස්තර කළ අතර සොල්දාදුවන්ගේ විනයෙහි වැදගත්කමද එහිදී අවධාරණය කළේය. තවද, ඔහු 1 ශ්‍රීලයුකාබ කඳවුරු පරිශ්‍රයේ කඳවුරු සංචාරය සිදුකල අතර, සොල්දාදුවන්ගේ සුභසාධනය වැඩිදියුණු කිරීම සඳහා අවශ්‍ය මගපෙන්වීම්ද ලබා දුන්නේය

ඉන් අනතුරුව සියලු නිල තේ පැන් සංග්‍රහය සඳහා කර්නල් සේනාවිධායක සහභාගී වූ අතර එහිදී සියලු නිලයින් සමඟ සුහද කතාබහක නිරත විය. පසුව, සමූහ ඡායාරූපය සඳහා පෙනී සිටීමෙන් අනතුරුව කඳවුරු සංචාරය නිමා කරන ලදී.