ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ 27 වන ගරු සභාපතිණිය සිය ධුරයේ රාජකාරි කටයුතු ආරම්භ කරන ලදී.

ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ 27 වන ගරු සභාපතිණිය ලෙස විංද්‍යා ප්‍රේමරත්න මැතිණිය 2024 දෙසැම්බර් 12 වැනි දින බොරැල්ල පිහිටි ශ්‍රි ලංකා යුද්ධ හමුදා කාන්තා බලකා රෙජිමේන්තු මධ්‍යස්ථානයේ දී සරල උත්සවයක් දී වැඩ භාර ගන්නා ලදී.

කාර්යාල පරිශ්‍රයට පැමිණි නව සභාපතිණිය එම ශාඛාවේ උප සභාපතිණි ශෂිකා කරුණාරත්න මැතිණිය විසින් විසින් උණුසුම් ලෙස පිළිගනු ලැබීය. මෙම අවස්ථාවට සහභාගී වූ ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ ජ්‍යෙෂ්ඨ සාමාජිකාවන් කිහිප දෙනෙකුම එම අවස්ථාවට සහභාගී වී සිටියහ. තවද, ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ උප සභාපතිනිය සහ රැස්ව සිටි අනෙකුත් ජ්‍යෙෂ්ඨ සාමාජිකාවන් නව සභාපතතිනියට සහ ඇයගේ පත්වීම සම්බන්ධයෙන් උණුසුම් සුබ පැතුම් එක් කළහ. ඊට අමතරව, සමූහ ඡායාරූපයක් සඳහා පෙනී සිටීමෙන් අනතුරුව උත්සව කටයුතු අවසන්විය.