75 වන යුද්ධ හමුදා දිනයට සමගාමීව ශ්‍රිලයුකාබ සේවා වනිතා ශාඛාව වෙතින් බොරැල්ල පිහිටි රෙම ශ්‍රිලයුකාබහිදී ලේ දන්දීමේ වැඩසටහනක් සංවිධානය කෙරේ.

56 වන පාබල සේනාංකයේ සේනාංකාධිපති සහ ශ්‍රී ලංකා යුද්ධ හමුදා කාන්තා බලකායේ කර්නල් සේනාවිධායක මේජර් ජෙනරාල් එස් කස්තුරිමුදලි ආර්එස්පි එන්ඩිසී පීඑස්සී ජ්‍යෙෂ්ඨ නිලධාරීගේ මගපෙන්වීම යටතේ ශ්‍රිලයුකාබ සේවා වනිතා ශාඛාවේ ගරු සභාපතිනි උදුලා කස්තුරිමුදලි මැතිනියගේ සහභාගිත්වය මත රෙජිමේන්තු මධ්‍යස්ථානයෙහි සියලු නිලයන් එක්ව 75 වන යුද්ධ හමුදා දිනයට සමගාමීව 2024 අගෝස්තු 26 දින බොරැල්ල රෙජිමේන්තු මධ්‍යස්ථාන පරිශ්‍රයේදි ලේ දන්දීමේ වැඩසටහනක් සංවිධානය කරන ලදී.

නාරාහේන්පිට මධ්‍යම රුධිර බැංකුවේ සහයෝගය සමග පවත්වන්නට යෙදුනු මෙම ලේ දන්දීමේ වැඩසටහන සඳහා නිලධාරීන් සහ සෙසුනිලයින් 50 දෙනෙකු සහභාගී විය.

තවද මෙම වැඩසටහන සඳහා ශ්‍රිලයුකාබ සේවා වනිතා ශාඛාවේ සභාපති ගරු උදුලා කස්තුරිමුදලි මැතිනිය, උප සභාපතිනිය, මධ්‍යස්ථාන සේනාවිධායක බ්‍රිගේඩියර් සංජය කරුණාරත්න පිඑස්සී, ජ්‍යෙෂ්ඨ නිලධාරීන්, නිලධාරීන් සහ සෙසුනිලයින් රැසක් සහභාගී වූහ.