ශ්‍රි ලංකා යුද්ධ හමුදා කාන්තා බළකා සේවා වනිතා ශාඛාව වෙතින් ශ්‍රි ලංකා යුද්ධ හමුදා කාන්තා බළකායේ විශ්‍රාමික සෙබළියක් වෙත නව නිවසක් ඉදි කර ගැනිම සඳහා අතහිත

ශ්‍රි ලංකා යුද්ධ හමුදා කාන්තා බළකා සේවා වනිතා ශාඛාවේ ගරු සභාපතිනි උදුලා කස්තුරිමුදලි මැතිණියගේ නායකත්වය මත 3(ස්වේ) ශ්‍රීලයුකාබ ඒකකයට අයත් සෙ/5ආර්100176 මාණ්ඩලික සැරයන් නයනකාන්ති කේජීඒම් විශ්‍රාමික ජ්‍යෙකොනොනි සඳහා මහත් අඩුවක්ව පැවති අඟුරුවාතොට - දොඹගොඩ යන ලිපිනයෙහි පිහිටි ඇයගේ අර්ධ වශයෙන් නිමකර ඇති නිවසෙහි ඉතිරි වැඩ කොටස නිමකර එම ඉදි කරන ලද නව නිවස 2024 ඔක්තෝබර් මස මස 16 වන දින ඇය වෙත පවරා දෙන ලදි.

ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ ගරු සභාපතිනි උදුලා කස්තුරිමුදලි මැතිණියගේ මඟපෙන්වීම මත ඉදිකරන ලද අර්ධ නිවාසයේ ඉතිරි ඉදිකිරිම් කටයුතු සිදු කර ගෙන යාම සඳහා අවැසි මූල්‍ය හා ධන පරිත්‍යගයන් ලබාදුන් අතර මෙම ව්‍යාපෘතිය 56 වන පාබල සේනාංකයේ සේනාංකාධිපති, ශ්‍රී ලංකා යුද්ධ හමුදා කාන්තා බලකායේ සේනාවිධායක මේජර් ජෙනරාල් එස් කස්තුරිමුදලි ආර්එස්පී එන්ඩීසී පීඑස්සී ජ්‍යෙෂ්ඨ නිළධාරිගේ පූර්ණ අධීක්ෂනය මත 4 වන ඉංජිනේරු සේවා රෙජිමේන්තුව පානඳුර සහ කාන්තා බලකා රෙජිමේන්තු මධ්‍යස්ථානයේ සෙනීන්ගේ ශ්‍රම දායකත්වය මත සිදුකරන ලදි.

මෙම අවස්ථාව සදහා ශ්‍රි ලංකා යුද්ධ හමුදා කාන්තා බළකා සේවා වනිතා ශාඛාවේ ගරු සභාපතිනි උදුලා කස්තුරිමුදලි මැතිණිය,ශ්‍රීලයුකාබ සේවා වනිතා ශාඛාවේ උප සභාපතිණිය සහ මධ්‍යස්ථාන සේනාවිධායක ඇතුළු රෙජිමේන්තු මධ්‍යස්ථානයේ නිළධාරිණියන් හා සෙසුනිළයින් රැසක් සහභාගි වුහ.