23rd December 2025 12:17:54 Hours
මේජර් ජෙනරාල් ජි එස් කේ පෙරේරා ආර්එස්පි එන්ඩිසි ජ්යෙෂ්ඨ නිලධාරී මේජර් ජෙනරාල් නිලයට උසස්වීම වෙනුවෙන් ගෞරවය දැක්වීම සදහා එම ජ්යෙෂ්ඨ නිලධාරී හට 2025 දෙසැම්බර් මස 19 වන දින උත්සව මාලාවක් කමාන්ඩෝ රෙජිමේන්තු මධ්යස්ථානය - ගණේමුල්ල කදවුරේදී පවත්වන ලදී. මෙම අවස්ථාවෙදී කමාන්ඩෝ රෙජිමේන්තු සම්ප්රදාය අනුව එම ජ්යෙෂ්ඨ නිලධාරී හට කමන්ඩෝ රෙජිමේන්තුව වෙනුවෙන් විශේෂිත වු ගෞරවයක් පිරිනමනු ලැබීය.
ඒ අනුව, මේජර් ජෙනරාල් ජි එස් කේ පෙරේරා ආර්එස්පි එන්ඩිසි යන ජ්යෙෂ්ඨ නිලධාරී කමාන්ඩෝ රෙජිමේන්තුවේ වැඩබලන නියෝජ්ය සේනාවිධායක වශයෙන් කටයුතු කරනු ලබන ලුතිතන් කර්නල් ඩබ්ලිව් සි සමරසිංහ ආර්එස්පි යුඑස්පි පිඑස්සි යන ජ්යෙෂ්ඨ නිලධාරි විසින් පිළිගැනීමෙන් අනතුරුව රෙජිමේන්තු මධ්යස්ථානයේදී කඳවුරු මුරයකින් සහ සම්මාන මුරයකින් ගෞරවාන්විතව පිළිගනු ලැබීය.
ඉන්පසු, එම ජ්යෙෂ්ඨ නිලධාරි කමාන්ඩෝ යුධ විරුවන්ගේ අනුස්මරණ ස්මාරකය වෙත පුෂ්පෝපහාර පුදකරමින් මවුබිම වෙනුවෙන් ජීවිත පරිත්යාගයන් සිදුකරන ලද කමාන්ඩෝ විරුවන්ට තම ගෞරවය පුදකිරිමෙන් අනතුරුව නිලධාරි නිවස්නය ඉදිරිපිට දී නිලධාරීන් සමගින් සාමුහික ඡායාරූපයකටද පෙනී සිටින ලදි.
පසුව, එම ජ්යෙෂ්ඨ නිලධාරි මෙරුන් ලෙගසි දේශන ශාලාවේදී කමාන්ඩෝ සාමාජිකයින් අමතමින් ඔවුන් තම වසර තිහකට අධික සේවා කාලය සිහිගන්වමින් තම යුධ හමුදා ජීවිතයේ සාර්ථකත්වයට දායකත්වය දැක්වු කමාන්ඩෝ ප්රවීණයන්ට, ජ්යේෂ්ඨ නිලධාරීන්ට, නිලධාරීන්ට, ජ්යෙෂ්ඨ කොමිෂන් නොලත් නිලධාරීන්ට සහ කොමිෂන් නොලත් නිලධාරීන්ට ඔහුගේ හදපිරි කෘතඥතාවය පළ කරන ලදි. එසේම, කමාන්ඩෝ සාමාජිකයෙකු වශයෙන් තම ගෞරවය රැකගැනීමට හා එකමුතුවභාවයකින් යුතුව එකට වැඩ කිරීමේ වැදගත්කම දැඩිව අවධාරණය කරමින් හරවත් දේශණයක් පවත්වන ලද අතර, පසුව සියලු නිලයන් එක්ව කොමිෂන් නොලත් නිලධාරී සමාජ ශාලාවේ පැවැති තේ පැන් සංග්රය සඳහා සහභාගී වන ලදි.
තවද, මෙම අවස්ථාවට 241 පාබල බළසේනාවේ බළසේනාධිපති බ්රිගේඩියර් ආර් එස් සි දිසානායක ආර්එස්පී ජ්යෙෂ්ඨ නිලධාරි තුමා ඇතුලු ජ්යෙෂ්ඨ නිලධාරීන් කිහිප දෙනෙකු මෙන්ම ත්රිවිධ හමුදාවේ ජ්යෙෂ්ඨ නිළධාරින් කිහිපදෙනෙකු හා පවුලේ හිතවතුන් කිහිපදෙනෙකු හා කමාන්ඩෝ සෙබළුන්ගේ සහභාගීත්වයෙන්, මේජර් ජෙනරාල් නිලයට උසස් වීම් ලද කමාන්ඩෝ රෙජිමේන්තුවට අයත් ජ්යෙෂ්ඨ නිලධාරී වෙනුවෙන් ගෞරවය පුදකරන ලද විශේෂිත වූ අවස්ථාවක් වශයෙන් පෙන්වා දිය හැකිය.
